ଧୂଳିସାତ ହୋଇଯାଇପାରେ ଜୋକୋଭିକଙ୍କ ୨୧ତମ ଗ୍ରାଣ୍ଡସ୍ଲାମ ସ୍ୱପ୍ନ
ମେଲବର୍ଣ୍ଣ : ତାରକା ଟେନିସ ଖେଳାଳି ନୋଭାକ ଜୋକୋଭିକଙ୍କ ପାଇଁ ଗୋଟିଏ ପରେ ଗୋଟିଏ ଅଡ଼ୁଆ ସୃଷ୍ଟିି ହେବାରେ ଲାଗିଛି । ଆଜି କିଛି ଘଣ୍ଟା ତଳେ ସରକାର ତାଙ୍କର ଅଷ୍ଟ୍ରେଲିଆ ଛାଡ଼ିବା ସମୟକୁ ବିଳମ୍ବିତ କରିବା ପାଇଁ ରାଜି ହୋଇଥିବା ଖବର ଆସିଥିଲା । ଏହାକୁ ନେଇ ଜୋକୋଭିକ କିଛିଟା ଖୁସି ହୋଇଥିଲେ । କିନ୍ତୁ ଏବେ ପୁଣି ତାଙ୍କ ପାଇଁ ଏକ ଖରାପ ଖବର ଆସିଛି । ତାଙ୍କ ଭିସାକୁ ସରକାର ଦ୍ୱିତୀୟ ଥର ପାଇଁ ରବ୍ଦ କରିଛନ୍ତି । ଜୋକୋଭିକ କରୋନା ଟିକା ନେଇ ନାହାନ୍ତି ଯାହା ଅନ୍ୟ ଲୋକଙ୍କ ପାଇଁ ବିପଦ ହୋଇପାରେ ବୋଲି ଆଶଙ୍କା କରି ତାଙ୍କ ଭିସାକୁ ଦ୍ୱିତୀୟ ଥର ପାଇଁ ରଦ୍ଦ କରାଯାଇଥିବା ଅଷ୍ର୍ଟ୍ରେଲିଆର ସରକାର ପକ୍ଷରୁ କୁହାଯାଇଛି । ଅଷ୍ଟ୍ରେଲିଆର ନାଗରିକ ମନ୍ତ୍ରୀ ଏଲେକ୍ସ ହାକେ ଅଦାଲତଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରି ନିଜର ଅଧିକାର ବଳରେ ଜୋକୋଭିକଙ୍କ ଭିସା ରଦ୍ଦ କରିଛନ୍ତି । ଏହାପରେ ଦୁନିଆର ଏକ ନମ୍ୱର ଟେନିସ ଖେଳାଳି ଅଷ୍ଟ୍ରେଲିଆ ଛାଡିବାକୁ ବାଧ୍ୟ ହୋଇପାରନ୍ତି । କେବଳ ଏତିକି ନୁହେଁ, ଜୋକୋଭିକଙ୍କ ଗ୍ରାଣ୍ଡସ୍ଲାମ୍ ଖେଳିବା ଉପରେ ତିନି ବର୍ଷ ପ୍ରତିବନ୍ଧକ ମଧ୍ୟ ଲାଗୁ ହୋଇପାରେ ।
