କରାଚୀ : ଟି -୨୦ ବିଶ୍ୱକପ ପାଇଁ ପାକିସ୍ତାନ ଦଳ ଘୋଷଣା ହୋଇଥିବାବେଳେ ଦଳର ପ୍ରଶିକ୍ଷକ ମିସବା-ଉଲ-ହକ ଏବଂ ବୋଲିଂ ପ୍ରଶିକ୍ଷକ ୱାକର ୟୁନିସ କୋଚିଂ ପଦରୁ ଇସ୍ତଫା ଦେଇଛନ୍ତି । ଏକ ପୋଷ୍ଟକୁ ସେୟାର କରି ପାକିସ୍ତାନ ବୋର୍ଡ ଏ ସମ୍ପର୍କରେ ସୂଚନା ଦେଇଛି । ଅନ୍ୟପକ୍ଷରେ ଟି -୨୦ ବିଶ୍ୱକପ ୨୦୨୧ ପାଇଁ ପାକିସ୍ତାନ ଦଳ ଘୋଷଣା କରାଯାଇଛି । ଅଭିଜ୍ଞ ଶୋଏବ ମଲିକ ଏବଂ ସରଫରାଜ ଅହମ୍ମଦଙ୍କୁ ପାକିସ୍ତାନ ଦଳରେ ସ୍ଥାନ ଦିଆଯାଇ ନାହିଁ ।
ଅକ୍ଟୋବର ୨୪ ରେ ପାକିସ୍ତାନ ଦଳ ଦୁବାଇରେ ଭାରତ ବିପକ୍ଷରେ ପ୍ରଥମ ମ୍ୟାଚ୍ ଖେଳିବ । ଟି -୨୦ ବିଶ୍ୱକପ ପାଇଁ ପାକିସ୍ତାନ ୧୫ ଜଣିଆ ଦଳ ଘୋଷଣା କରିଛି । ସୂଚନାଯୋଗ୍ୟ ଯେ ଟି -୨୦ ବିଶ୍ୱକପ ପାଇଁ ମନୋନୀତ ପାକିସ୍ତାନ ଦଳର ସମାନ ଖେଳାଳି ନ୍ୟୁଜିଲ୍ୟାଣ୍ଡ ଏବଂ ଇଂଲଣ୍ଡ ବିପକ୍ଷରେ ଆଗାମୀ ଟି-୨୦ ସିରିଜ ଖେଳିବେ ।
ଟି -୨୦ ବିଶ୍ୱକପ ପାଇ ପାକିସ୍ଥାନ ଦଳ:
ବାବର ଆଜାମ (କ୍ୟାପଟେନ), ମହମ୍ମଦ ରିଜୱାନ, ଆସିଫ ଅଲି, ଖୁସଦିଲ ଶାହା, ମହମ୍ମଦ ହାଫିଜ, ଶୋଏବ ମାକସୁଦ, ଆଜମ ଖାନ, ଇମାଦ ୱାସିମ, ମହମ୍ମଦ ନୱାଜ, ମହମ୍ମଦ ୱାସିମ, ଶାହଦବ ଖାନ, ହାସନ ଅଲି, ହରିସ ରାଉଫ, ମହମ୍ମଦ ଆଫଜାରେଡି, ଶାହିନ ନାଇଫ
