ନୂଆଦିଲ୍ଲୀ : ଲର୍ଡ୍ସ ଟେଷ୍ଟ ମ୍ୟାଚରେ ଭାରତୀୟ ଓପନର୍ ବ୍ୟାଟ୍ସମ୍ୟାନ୍ କେ.ଏଲ୍ ରାହୁଲଙ୍କୁ ତାଙ୍କ ଆକର୍ଷଣୀୟ ଶତକ ପାଇଁ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ପ୍ରଦାନ କରାଯାଇଥିଲା । ଏହି ଟେଷ୍ଟ ମ୍ୟାଚରେ ଭାରତର ୧୫୧ ରନ୍ ବିଜୟଲାଭ କରିଛି । କେ.ଏଲ୍ ରାହୁଲ ପ୍ରଥମ ଇନିଂସରେ ୧୨୩ ରନ୍ ସ୍କୋର କରିଥିଲେ । ରାହୁଲ ଏହି ଇନିଂସ ବଳରେ ଭାରତ ୩୬୪ ସ୍କୋରରେ ପହଞ୍ଚିଥିଲା । ତେବେ ସେ ଦ୍ୱିତୀୟ ଇନିଂସରେ ମାତ୍ର ୫ ରନ୍ କରି ଆଉଟ୍ ହୋଇଯାଇଥିଲେ । ତାଙ୍କର ପ୍ରଥମ ଇନିଂସ ସ୍ୱତନ୍ତ୍ର ଥିଲା ଏବଂ ସେ ଲର୍ଡସରେ ଟେଷ୍ଟ କ୍ରିକେଟରେ ପ୍ଲେୟାର ଅଫ୍ ଦି ମ୍ୟାଚ୍ ଟାଇଟଲ ଜିତିବାରେ ଭାରତ ପାଇଁ ଚତୁର୍ଥ ଖେଳାଳି ହୋଇଛନ୍ତି ।
୧୯୭୯ ମସିହାରେ ଲର୍ଡସରେ ଟେଷ୍ଟ କ୍ରିକେଟରେ କେ.ଏଲ୍ ରାହୁଲଙ୍କ ପୂର୍ବରୁ ଦିଲୀପ ଭେଙ୍ଗସରକାର ମ୍ୟାନ୍ ଅଫ୍ ଦି ମ୍ୟାଚ୍ ଟାଇଟଲ୍ ଜିତିଥିଲେ । ଲର୍ଡସରେ ଟେଷ୍ଟରେ ଜଣେ ଭାରତୀୟ ବ୍ୟାଟ୍ସମ୍ୟାନ୍ ଭାବରେ ସେ ଏହି ଟାଇଟଲ୍ ଜିତିଥିବା ପ୍ରଥମ ଖେଳାଳି ଥିଲେ । ଏହାର ୪୧ ବର୍ଷ ପରେ, ଜଣେ ବ୍ୟାଟ୍ସମ୍ୟାନ୍ ଭାବେ ବର୍ତ୍ତମାନ କେ.ଏଲ୍ ରାହୁଲ ଏହି କୃତୀତ୍ୱ ହାସଲ କରିଛନ୍ତି । ଅବଶ୍ୟ ୧୯୮୦ ମସିହାରେ, କପିଲ ଦେବ ଏହି ଗ୍ରାଉଣ୍ଡରେ ଏହି ସଫଳତା ପାଇଥିଲେ ଏବଂ ଏହା ପରେ ୧୯୮୬ ମସିହାରେ କପିଲ ଦେବ ଦ୍ୱିତୀୟ ଥର ପାଇଁ ପ୍ଲେୟାର ଅଫ୍ ଦି ମ୍ୟାଚ୍ ଆଖ୍ୟା ଅର୍ଜନ କରିଥିଲେ ।
ଇଶାନ୍ତ ଶର୍ମା ୨୦୧୪ରେ ଲର୍ଡସରେ ତାଙ୍କର ଉତ୍କୃଷ୍ଟ ବୋଲିଂ ପ୍ରଦର୍ଶନ ପାଇଁ ପ୍ଲେୟାର ଅଫ୍ ଦି ମ୍ୟାଚ୍ ଟାଇଟଲ୍ ଜିତିଥିଲେ । କପିଲ ଦେବ ଅଲରାଉଣ୍ଡର ହୋଇଥିବାବେଳେ ଇଶାନ୍ତ ଶର୍ମା ବୋଲର ହୋଇଥିଲେ । ଲର୍ଡସରେ ଜଣେ ଭାରତୀୟ ବ୍ୟାଟ୍ସମ୍ୟାନ୍ ଭାବରେ ଏହି ପ୍ରଦର୍ଶନ କରିବାରେ କେ.ଏଲ୍ ରାହୁଲ ଦ୍ୱିତୀୟ ଖେଳାଳି ହୋଇଛନ୍ତି ।
