ଅହମ୍ମଦାବାଦ : ୱେଷ୍ଟଇଣ୍ଡିଜ୍ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ପ୍ରଥମ ମ୍ୟାଚ୍ରେ ମାତ୍ର ଚାରିଟି ବଲ୍ ଖେଳିବା ପରେ ଭାରତୀୟ ଦଳର ଡାହାଣହାତୀ ବ୍ୟାଟ୍ସମ୍ୟାନ୍ ବିରାଟ କୋହଲି ପାଭିଲିଅନକୁ ଫେରିଥିଲେ, କିନ୍ତୁ ଏହାପୂର୍ବରୁ ସେ ତାଙ୍କ ନାମରେ ଏକ ବଡ଼ ରେକର୍ଡ ସୃଷ୍ଟି କରିଥିଲେ । ଏହି ରେକର୍ଡ ଏକ ବିଶ୍ୱ ରେକର୍ଡ, କାରଣ ବିରାଟ କୋହଲି ବର୍ତ୍ତମାନ ନିଜ ମାଟିରେ ୫୦୦୦ ଦିନିକିଆ ଆନ୍ତର୍ଜାତୀୟ ରନ୍ ସଂଗ୍ରହ କରିବାର ଦୁନିଆର ପ୍ରଥମ ବ୍ୟାଟ୍ସମ୍ୟାନ୍ ହୋଇଛନ୍ତି ।
ୱେଷ୍ଟଇଣ୍ଡିଜ୍ ବିପକ୍ଷରେ ୪ ଟି ବଲରେ ବିରାଟ କୋହଲି ୮ ରନ୍ ପାଇଁ ଆଉଟ ହୋଇଥିଲେ ମଧ୍ୟ ସେ ଭାରତର ପ୍ରଥମ ବ୍ୟାଟ୍ସମ୍ୟାନ୍ ଭାବରେ ଭାରତୀୟ ମାଟିରେ ଦିନିକିଆ ଆନ୍ତର୍ଜାତୀୟ କ୍ରିକେଟ୍ ରେ ୫୦୦୦ ରନ୍ ପୂରଣ କରିଥିଲେ । ବିରାଟ କୋହଲି ୯୬ ତମ ଇନିଂସରେ ଏହି କୀର୍ତ୍ତିମାନ କରିଥିବାବେଳେ ଏହା ପୂର୍ବରୁ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ନାମରେ ଏହି ରେକର୍ଡ ଥିଲା ।
ସଚିନ ତେନ୍ଦୁଲକର ୧୨୦ ଇନିଂସରେ ୫୦୦୦ ଦିନିକିଆ ରନ୍ ମାର୍କ ଅତିକ୍ରମ କରିଥିଲେ । ନିଜ ମାଟିରେ ସର୍ବାଧିକ ରନ୍ ସଂଗ୍ରହ କରିଥିବା ବ୍ୟାଟ୍ସମ୍ୟାନ୍ଙ୍କ ସଚିନ୍ ତେନ୍ଦୁଲକର ଆଗରେ ଅଛନ୍ତି । ଭାରତରେ ଦିନିକିଆ କ୍ରିକେଟରେ ସଚିନ ୬୯୭୬ ରନ୍ ସଂଗ୍ରହ କରିଛନ୍ତି । ଏଥି ସହିତ, ରିକି ପଣ୍ଟିଙ୍ଗ ୫୪୦୬ ରନ୍ ସହ ଦୁଇ ନମ୍ବରରେ ଅଛନ୍ତି, ଯିଏ ଅଷ୍ଟ୍ରେଲିଆରେ ଏହି ସଫଳତା ହାସଲ କରିଛନ୍ତି । ଏହା ବ୍ୟତୀତ ଜ୍ୟାକ କଲିସ୍ ଦକ୍ଷିଣ ଆଫ୍ରିକାର ୧୩୫ ଇନିଂସରେ ୫୧୭୮ ରନ୍ ସଂଗ୍ରହ କରିଛନ୍ତି ।
