ଦୁବାଇ : ଟି -୨୦ ମାନ୍ୟତା ଘୋଷଣା କରିଛି ଆଇସିସି। ଶ୍ରୀଲଙ୍କା ବିପକ୍ଷ ଟି-୨୦ ସିରିଜରେ ଦକ୍ଷିଣ ଆଫ୍ରିକାର ୱିକେଟ୍ କିପର ବ୍ୟାଟ୍ସମ୍ୟାନ୍ କ୍ୱିଣ୍ଟନ୍ ଡି କକ୍ ଚମତ୍କାର ପ୍ରଦର୍ଶନ କରିଥିଲେ । ଯାହା ଆଧାରରେ ସେ ଶ୍ରେଷ୍ଠ ୧୦ରେ ସ୍ଥାନ ପାଇବାରେ ସଫଳ ହୋଇଛନ୍ତି । ଡି କକ୍ ୪ଟି ସ୍ଥାନ ଉନ୍ନିତ ହୋଇ ୬ ନମ୍ବରରେ ପହଞ୍ଚିବାରେ ସଫଳ ହୋଇଛନ୍ତି । ଉଲ୍ଲେଖଥାଉ କି, ଡେଭିଡ ମାଲାନ ବର୍ତ୍ତମାନ ଟି -୨୦ ଇଣ୍ଟରନ୍ୟାସନାଲରେ ଏକ ନମ୍ବର ବ୍ୟାଟ୍ସମ୍ୟାନ୍, ଯାହାଙ୍କର ୮୪୧ ରେଟିଂ ପଏଣ୍ଟ ରହିଛି । ଏହି ତାଲିକାରେ ପାକିସ୍ତାନୀ ଅଧିନାୟକ ବାବର ଆଜମ ଦ୍ୱିତୀୟ ସ୍ଥାନରେ ଥିବା ବେଳେ ଅଷ୍ଟ୍ରେଲୀୟ ଅଧିନାୟକ ଆରୋନ ଫିଞ୍ଚ ୩ ନମ୍ବରରେ ଅଛନ୍ତି । ଆଇସିସି ଟି -୨୦ ର଼୍ୟାଙ୍କିଙ୍ଗରେ ଭାରତର ଅଧିନାୟକ ବିରାଟ କୋହଲି ୪ ନମ୍ବର ସ୍ଥାନରେ ଅଛନ୍ତି । କୋହଲି ବର୍ତ୍ତମାନ ୭୧୭ ରେଟିଂ ପଏଣ୍ଟ ପାଇଛନ୍ତି । ଟି -୨୦ ର଼୍ୟାଙ୍କିଙ୍ଗରେ ଭାରତ କୋହଲିଙ୍କ ବ୍ୟତୀତ କେଏଲ ରାହୁଲ ଶ୍ରେଷ୍ଠ ୧୦ରେ ସ୍ଥାନ ପାଇଛନ୍ତି । କେ.ଏଲ୍ ରାହୁଲ ନମ୍ବର ସ୍ଥାନରେ ନିଜର ସ୍ଥାନ ବଜାୟ ରଖିବାରେ ସଫଳ ହୋଇଛନ୍ତି ।
