ବୌଦ୍ଧ : ଜ଼ିଲ୍ଲାରେ ବର୍ତ୍ତମାନ ଶିକ୍ଷାର ଭିତ୍ତିଭୂମି ଓ ଆବଶ୍ୟକତାକୁ ନେଇ ଏକ ଆଲୋଚନାଚକ୍ର ଆଗାମୀ ଡିସେମ୍ବର ୬ ତାରିଖରେ ସାମ୍ବାଦିକ ଫୋରମ ପକ୍ଷରୁ ଆୟୋଜିତ ପୁସ୍ତକ ମେଳା ପରିସରରେ ଅନୁଷ୍ଠିତ ହେବା ନେଇ ଜ଼ିଲ୍ଲା ପ୍ରେସ କ୍ଲବର ସାଧାରଣ ବୈଠକରେ ଆଜି ନିଷ୍ପତ୍ତି ଗ୍ରହଣ କରାଯାଇଛି । କ୍ଲବର ଉପସଭାପତି ସମରେଶ ମିଶ୍ରଙ୍କ ଅଧ୍ୟକ୍ଷତାରେ ସ୍ଥାନୀୟ ସାମ୍ବାଦିକ ଫୋରମ କାର୍ଯ୍ୟାଳୟରେ ଅନୁଷ୍ଠିତ ଏହି ବୈଠକରେ କ୍ଲବ ପକ୍ଷରୁ ଜ଼ିଲ୍ଲାର ବିଭିନ୍ନ ସମସ୍ୟା ଓ ଏହାର ସମାଧାନ, ପର୍ଯ୍ୟଟନ, କଳା, ସଭ୍ୟତାର ବିକାଶ ଏଭଳି ଶୀର୍ଷକ ଆଲୋଚନା ଜ଼ିଲ୍ଲା ପାଇଁ ଏକ ନିଶ୍ଚିତ ଉନ୍ନତିର ପଥ ପରିସ୍କାର କରିପାରିଛି । ତେଣୁ ଏଥରର ଆଲୋଚନା ମଧ୍ୟ ଜ଼ିଲ୍ଲାର ଶିକ୍ଷାର ବିକାଶ କ୍ଷେତ୍ରରେ ବେଶ୍ ସହାୟ ହେବ ବୋଲି ଉପସ୍ଥିତ ସଦସ୍ୟ ମାନେ ଆଶା ପ୍ରକଟ କରି ସୁଚିନ୍ତିତ ମତାମତ ଉପସ୍ଥାପନା କରିଥିଲେ । ପ୍ରାରମ୍ଭରେ କ୍ଲବର ସାଧାରଣ ସମ୍ପାଦକ ରଘୁନାଥ ଷଡ଼ଙ୍ଗୀ ବୈଠକର ଉଦ୍ଦେଶ୍ୟ ଜ୍ଞାପନ କରିଥିବାବେଳେ ସଦସ୍ୟ ପୂର୍ଣ୍ଣଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ । ବୈଠକରେ ଜ଼ିଲ୍ଲାର ବିଭିନ୍ନ ଅଂଚଳରୁ କ୍ଲବର ସଦସ୍ୟ ମାନେ ଯୋଗ ଦେଇ ବିଭିନ୍ନ ପ୍ରାସଙ୍ଗିକ ଆଲୋଚନାରେ ଭାଗ ନେଇଥିଲେ ।
