ହରଭଙ୍ଗା,୨୨/୮:- ବୌଦ୍ଧ ଜିଲ୍ଲା ପୁରୁଣାକଟକ ଥାନାରେ ନୂତନ ଭାବେ ଯୋଗଦେଇଥିବା ଥାନା ଅଧିକାରୀ ରଞ୍ଜିତ କୁମାର ମୁନିଙ୍କୁ ହରଭଙ୍ଗା ବ୍ଲକ ସରପଂଚ ସଂଘ ପକ୍ଷରୁ ଆଜି ଶୁଭେଚ୍ଛା ଜଣାଯାଇଛି । ଶ୍ରୀ ମୁନି ସୋମବାର ଦିନ ପୁରୁଣାକଟକ ଥାନା ଅଧିକାରୀ ଭାବେ ଯୋଗଦାନ କରିଥିଲେ । ସଂଘ ପକ୍ଷରୁ ଫୁଲତୋଡ଼ା ଓ ଉପଢୌକନ ଦେଇ ଆଜି ଥାନା ଅଧିକାରୀକୁ ସମ୍ବର୍ଦ୍ଧିତ କରାଯାଇଛି । ଏହି ସମ୍ବର୍ଦ୍ଧନା ସମୟରେ ହରଭଙ୍ଗା ବ୍ଲକ ସରପଞ୍ଚ ସଂଘ ସଭାପତି ନିହାର ଘୋଷ, ସମ୍ପାଦକ ଅଶୋକ ସେଠି, ବାଣିଭୂଷଣପୁର ସରପଞ୍ଚ ଶ୍ରୀବନ୍ତ ମେହେର, ଆଡେଣିଗଡ ସରପଂଚ ଅଜିତ ପ୍ରଧାନ, ତିଲେଶ୍ୱର ସରପଂଚ ପ୍ରତିନିଧି ନିକୁଞ୍ଜ ବେହେରା ଉପସ୍ଥିତ ଥିଲେ ।
