ପ୍ରାର୍ଥୀ ଚୟନ କୁ ନେଇ ସବୁ ପାର୍ଟିରେ ଦ୍ଵନ୍ଦ, ମାଟିପୁତ୍ର ବନାମ ବାହାରି ପ୍ରାର୍ଥୀ

ସମ୍ବଲପୁର, ନାମାଙ୍କନ ପାଇଁ ଶେଷ ତାରିଖ ପାଖେଇ ଆସୁଥିଲେ ମଧ୍ୟ ଏଠାରେ ପ୍ରମୁଖ ରାଜନୈତିକ ପାର୍ଟିମାନେ ତାଙ୍କର ପ୍ରାର୍ଥୀ ଚୟନକୁ ନିଜ ସ୍ଥିତି ସ୍ପଷ୍ଟ କରି ନାହାନ୍ତି ଓ ବିଶେଷକରି ଲୋକସଭା ପ୍ରାର୍ଥୀ କୁ ନେଇ ସେମାନେ ଦ୍ବନ୍ଦ ରେ ଥିଲାପରି ଜଣାପଡୁଛି । କାରଣ ଅନେକ ସ୍ଥାନରେ ଜିଲ୍ଲା ବାହାରୁ ପ୍ରାର୍ଥୀ ଆଣିବା କୁ ବିରୋଧ ଓ ସେ ସ୍ଥାନରେ ସ୍ଥାନୀୟ ଅର୍ଥାତ ମାଟିପୁତ୍ର କୁ ସୁଯୋଗ ଦିଆଯିବା ପାଇଁ ଦାବି କରାଯାଉଛି ।

କେବଳ ପଶ୍ଚିମ ଓଡିଶା କାହିଁକି ସମଗ୍ର ଓଡିଶାରେ ଏକ ଶିକ୍ଷା ଓ ରାଜନୀତିକ କ୍ଷେତ୍ରରେ ସମ୍ବଲପୁର ଏକ ପେଣ୍ଠସ୍ଥଳୀ ରୂପେ ପରିଚିତ । ଏଣୁ ଏଠାରେ ଜିଲ୍ଲା ବାହାରୁ ପ୍ରାର୍ଥୀ ଆଣି ଠିଆ କଲେ, ସ୍ବାଭାବିକ ରୂପେ ଏହାକୁ ସ୍ବାଭିମାନ ର ପ୍ରଶ୍ନ ବୋଲି ବିରୋଧ ର ସ୍ବର ମୁଖର ହେବ । ଆଖପାଖ ଅନ୍ୟ କିଛି ଜିଲ୍ଲା ରେ ମଧ୍ୟ ଊଣା ଅଧିକ ସେହିପରି ସ୍ଥିତି ନିର୍ମିତ ହେଲାଣି, ଯାହାକୁ ନେଇ ପ୍ରମୁଖ ରାଜନୈତିକ ପାର୍ଟି ଜିଲ୍ଲା ବାହାରୁ ଆଣି ବୋଲକରା ପ୍ରାର୍ଥୀ ଦେବା ଆଗରୁ ଚିନ୍ତା ରେ ପଡିଛନ୍ତି ।

ଇତିମଧ୍ୟରେ ଭାରତୀୟ ଜନତା ପାର୍ଟି ପକ୍ଷରୁ ଲୋକସଭା ପ୍ରାର୍ଥୀ ରୂପେ ନିତେଶ ଗଙ୍ଗଦେବ କୁ ଠିଆ କରିବା ପାଇଁ ଘୋଷଣା କରାଯାଇଛି, ଯିଏ କି ଏହାପୂର୍ବରୁ ଦେବଗଡ଼ ର ବିଧାୟକ ନିର୍ବେ ହୋଇଥିଲେ । ଏହି ଘୋଷଣା ହେଲାପରେ ସେ ଗତକାଲି ସମ୍ବଲପୁର ଆସି ଏଠାକାର ଆରାଧ୍ୟଦେବୀ ମାତା ସମଲେଈ ଙ୍କ ପିଠରେ ପୂଜାର୍ଚ୍ଚନା କଲାପରେ ପାର୍ଟି ଅଫିସ କୁ ଯାଇ ଦଳୀୟ କର୍ମକର୍ତ୍ତାମାନଙ୍କୁ ଭେଟିଛନ୍ତି । କିନ୍ତୁ ତାହାଙ୍କୁ ନେଇ ସେ ଜିଲ୍ଲା ବାହାର ପ୍ରାର୍ଥୀ ବୋଲି ଚାପା ଗୁଞ୍ଜରଣ ଶୁଣିବା ପରେ କେବଳ ଭାଜପା କାହିଁକି ବିଜଦ ଓ କଙ୍ଗ୍ରେସ ପାର୍ଟି କତ୍ତୃପକ୍ଷ ଚିନ୍ତା ରେ ପଡି ଯାଇଛନ୍ତି । ଏଣୁ ବିଜଦ ପକ୍ଷରୁ ଲୋକସଭା ପ୍ରାର୍ଥୀ ରୂପେ ନଳିନୀ ପ୍ରଧାନ ଙ୍କ ଚୟନ ଏକପ୍ରକାରେ ଚୁଡାନ୍ତ ହୋଇ ସାରିଥିଲେ ମଧ୍ୟ ଘୋଷଣା ହୋଇ ପାରୁନାହିଁ, କାରଣ ତାଙ୍କର କର୍ମଭୂମି ସମ୍ବଲପୁର ହୋଇଥିଲେ ମଧ୍ୟ ଜନ୍ମଭୂମି ହେଉଛି ଅନୁଗୁଳ ଜିଲ୍ଲା ଅନ୍ତର୍ଗତ ଆଠମଲ୍ଲିକ । ସେହିପରି କଙ୍ଗ୍ରେସ ପକ୍ଷରୁ ଲୋକସଭା ପ୍ରାର୍ଥୀ ରୂପେ ଶରତ ପଟ୍ଟନାୟକଙ୍କ ଚୟନ ଚୁଡାନ୍ତ ହୋଇ ସାରିଥିଲେ ମଧ୍ୟ ଘୋଷଣା ହୋଇ ପାରୁନାହିଁ ।