ହରଭଙ୍ଗା :ବୌଦ୍ଧ ଜିଲ୍ଲା ପୁରୁଣା କଟକ ଥାନା ଝାଡ଼ରାଜିଙ୍ଗ ଗ୍ରାମର ଜଙ୍ଗଲ ମଧ୍ୟରୁ ବୁଧବାର ଦିନ ହରଭଙ୍ଗା ଅବକାରୀ ଚଢ଼ାଉ କରି ମହୁଲ ପୋଚ ଓ ଦେଶୀ ମଦ ଜବତ କରିଥିବା ବିଭାଗ ପକ୍ଷରୁ ଜଣାପଡିଛି । ମିଳିଥିବା ସୂଚନା ମତେ କୌଣସି ବିଶେଷ ସୂତ୍ରରୁ ଖବର ପାଇ ହରଭଙ୍ଗା ଅବକାରୀ ଇନ୍ସପେକ୍ଟର ଅଞ୍ଜନ କୁମାର ଜେନାଙ୍କ ନେତୃତ୍ୱରେ ଝାଡ଼ରାଜିଙ୍ଗ ଜଙ୍ଗଲ ଭିତରୁ ଦେଶୀ ମହୁଲ ପ୍ରସ୍ତୁତ ହେଉଥିବା ସ୍ଥାନକୁ ପହଁଚି ୭୦୦ ଲିଟର ମହୁଲ ପୋଚ ଓ ୨୨ ଲିଟର ଦେଶୀ ମଦ ଜବତ କରିଥିଲା । କିନ୍ତୁ ଘଟଣା ସ୍ଥଳରୁ କୌଣସି ବ୍ୟକ୍ତିଙ୍କୁ ଅବକାରୀ ଧରିନଥିବା ବେଳେ ମଦ ପାଇଁ ପ୍ରସ୍ତୁତି କରାଯାଉଥିବା ଆସବାପତ୍ର, ଡ୍ରମ, ମହୁଲ ପୋଚ, ମଦ ଜବତ କରି କେଶ ନମ୍ବର ୩୯/୨୩ରେ ଏକ ମାମଲା ରୁଜୁ ହୋଇଥିବା ଜଣାପଡିଛି । ଏହି ଚଢ଼ାଉ ସମୟରେ ଅବକାରୀ ଇନ୍ସପେକ୍ଟର ଜେନାଙ୍କ ସହ ଏଏସ ଆଇ ପବିତ୍ର ଜଗଦେବ, କନଷ୍ଟେବଳ ପ୍ରଫୁଲ ଭୋକ୍ତା, ସୁଜିତ ସାହୁ ପ୍ରମୁଖ ସାମିଲ ଥିଲେ ।
