ବୌଦ୍ଧ : ଭାରତୀୟ ଜାତୀୟ ଯୁବ କଂଗ୍ରେସ ଦ୍ୱାରା ଦୀର୍ଘ ତିନି ମାସ ଧରି ଅନଲାଇନରେ ଚାଲିଥିବା ଯୁବ କଂଗ୍ରେସ ନିର୍ବାଚନରେ ବୌଦ୍ଧ ଜ଼ିଲ୍ଲା ଯୁବ କଂଗ୍ରେସ ସଭାପତି ଭାବେ ମହେଶ୍ୱର ପ୍ରଧାନ ନିର୍ବାଚିତ ହେଇଛନ୍ତି । ବୌଦ୍ଧ ନିର୍ବାଚନ ମଣ୍ଡଳୀ ଯୁବ କଂଗ୍ରେସ ସଭାପତି ଭାବେ ଅବଦୁଲ କଲିମ ଖାଁ ଓ କଣ୍ଟମାଳ ନିର୍ବାଚନ ମଣ୍ଡଳୀ ସଭାପତି ରୂପେ ସୁଜିତ ପ୍ରଧାନ ନିର୍ବାଚିତ ହେଇଛନ୍ତି । ଗତ ୨୫ ତାରିଖରେ ଭାରତୀୟ ଜାତୀୟ ଯୁବ କଂଗ୍ରେସ ନିର୍ବାଚନ କମିଶନ ଏହା ଘୋଷଣା କରିଛନ୍ତି । ମହେଶ୍ୱର ପ୍ରଧାନ ଦୀର୍ଘ ବର୍ଷ ଧରି ଛାତ୍ର ରାଜନୀତି ସହିତ ଜଡିତ ଥିଲେ । ସେ ୨୦୦୫-୨୦୦୭ ପର୍ଯ୍ୟନ୍ତ ଦୁଇ ଥର ବୌଦ୍ଧ ପଂଚାୟତ ମହାବିଦ୍ୟାଳୟ ଛାତ୍ର ସଂସଦର ଉପସଭାପତି ନିର୍ବାଚିତ ହୋଇଥିବା ବେଳେ ୨୦୦୮-୨୦୧୦ ମସିହା ପର୍ଯ୍ୟନ୍ତ ସଂପାଦକ ପଶ୍ଚିମ ଓଡିଶା ଛାତ୍ର କ୍ରିୟାନୁଷ୍ଠାନ କମିଟି ବଲାଙ୍ଗୀର, ୨୦୦୮-୨୦୧୫ମସିହା ପର୍ଯ୍ୟନ୍ତ ଜ଼ିଲ୍ଲା ଛାତ୍ର କଂଗ୍ରେସ ସଭାପତି, ବୌଦ୍ଧ, ୨୦୧୮ ରେ ଜ଼ିଲ୍ଲା କଂଗ୍ରେସ କମିଟି ସାଧାରଣ ସଂପାଦକ ବୌଦ୍ଧ,୨୦୨୧ ମସିହାରୁ ବର୍ତ୍ତମାନ ପର୍ଯ୍ୟନ୍ତ ଜ଼ିଲ୍ଲା ଯୁବ କଂଗ୍ରେସ ସଭାପତି ଭାବେ କାର୍ଯ୍ୟ କରିଆସୁଛନ୍ତି । ସେ ପୁନର୍ବାର ଜ଼ିଲ୍ଲା ଯୁବ କଂଗ୍ରେସ ସଭାପତି ରୂପେ ନିର୍ବାଚିତ ହେବା ପରେ ଭାରତୀୟ ଜାତୀୟ କଂଗ୍ରେସ କମିଟି ସଭାପତି ମଲିକାର୍ଜୁନ ଖଡ଼ଗେ, ପୂର୍ବତନ ସଭାପତି ସୋନିଆ ଗାନ୍ଧୀ, ରାହୁଲ ଗାନ୍ଧୀ, ଯୁବ କଂଗ୍ରେସ ଜାତୀୟ ସଭାପତି ବିଭି ଶ୍ରୀନିବାସ, ଯୁବ କଂଗ୍ରେସ ରାଷ୍ଟ୍ରୀୟ ପ୍ରଭାରୀ କ୍ରିଷ୍ଣା ଆଲ୍ଲଭାରୁ, ବୌଦ୍ଧ ଜ଼ିଲ୍ଲା ପୂର୍ବତନ ବିଧାୟକ ସୁଜିତ କୁମାର ପାଢ଼ୀ, ଜ଼ିଲ୍ଲା କଂଗ୍ରେସ କମିଟିର କର୍ମକର୍ତ୍ତା, କିସାନ କଂଗ୍ରେସ କମିଟି, ଛାତ୍ର କଂଗ୍ରେସ କମିଟି ଓ ମହିଳା କଂଗ୍ରେସ କମିଟି କର୍ମକର୍ତ୍ତା ଓ କର୍ମୀ ଏବଂ ନେତା ମାନଙ୍କ ସହଯୋଗ କାମନା ସହିତ କୃତଜ୍ଞତା ଜ୍ଞାପନ କରିଛନ୍ତି ।
