ବ୍ରାହ୍ମଣୀଗାଁ : କନ୍ଧମାଳ ଜିଲ୍ଲା ଦାରିଙ୍ଗବାଡି ବକ୍ଳ ବ୍ରାହ୍ମଣୀଗାଁ ଥାନା ଅନ୍ତର୍ଗତ କାଟିଙ୍ଗା ପଞ୍ଚାୟତର ଖାରିଗୁଡା ଗ୍ରାମରେ ଘଟିଛି ଏକ ଅଭାବନୀୟ ଘଟଣା । ମକା ଚାଷ ଗୋରୁ ଖାଇଦେଲା ବୋଲି ଜଣଙ୍କୁ ଗୁଳିକରି ହତ୍ୟା କରିଛନ୍ତି । ସେ ହେଲେ ମାର୍ଦି ପଡ୍ରା (୫୫) । ସେ ସିଚା ମାଜୁ ପଦରକୁ ଗୋରୁ ଗୋଠ ନେଇ ଯାଇଥିଲେ । ସନ୍ଧ୍ୟା ହେବାରୁ ଗୋରୁ ଗୋଠ ଘରକୁ ଫେରିଲେ କିନ୍ତୁ ମାର୍ଦି ପଡ୍ରା ଘରକୁ ଆସିଲେ ନଥିଲେ । ଏହାକୁ ନେଇ ପୁରା ପରିବାର ଚିନ୍ତିତ ଥିଲେ । ମାର୍ଦି ପୁଅ ଧର୍ମେନ୍ଦ୍ର ପଡ୍ରା (୨୦) ଓ ସ୍ତ୍ରୀ ସିକମାଙ୍ଗା ପଡ୍ରା (୫୦) ତାଙ୍କୁ ଖୋଜିବା ପାଇଁ ସିଚା ମାଜୁ ପଦରରେ ଯାଇଥିଲେ । ସେଠାରେ ମାରଦିର ମୁତ୍ୟୁ ଦେହ ପଡିଥିବା ଦେଖି ବ୍ରାହ୍ମଣୀଗାଁ ଥାନାରେ ଲିଖିତ ଅଭିଯୋଗ କରିଛନ୍ତି । ଏନେଇ ଖବର ପାଇ ବ୍ରାହ୍ମଣୀଗାଁ ଥାନା ଅଧିକାରୀ ଚାପାଧାରି ପ୍ରଧାନ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହିତ ଅଭିଯୁକ୍ତଙ୍କୁ ଅଟକ ରଖିଥିବା ଜଣାପଡିଛି । ଅଭିଯୁକ୍ତ ହେଉଛନ୍ତି ପଣସପଦର ଗ୍ରାମର ଆକାଶ ପଡ୍ରା । ସେ କହିଛନ୍ତି ଆମେ ଆଗରୁ ସେଠାରେ ମକା, ହଳଦୀ, କାଜୁ ଆଦି ଚାଷ କରି ଆସୁଅଛୁ । ମାର୍ଦି ପଡ୍ରା ବାରମ୍ବାର ମୋର ମକା ହଳଦୀ ପଦରରେ ଗୋରୁ ଚରେଇବା ସହ ମୋର ଅମଳ ସବୁ ନଷ୍ଟ କରୁଥିବାରୁ ତାକୁ ମୁଁ ଗୁଳି କରି ହତ୍ୟା କରିଛି ବୋଲି ସେ ନିଜେ ସ୍ୱୀକାର କରିଛିନ୍ତି । ଘଟଣା ସ୍ଥଳରେ ସାଇଣ୍ଟିଫିକ ଟିମ୍ ପହଞ୍ଚି ଶବ ବ୍ୟବଛେଦ ପାଇଁ ବ୍ରାହ୍ମଣୀଗାଁ ସ୍ୱାସ୍ଥ୍ୟକେନ୍ଦ୍ର ପଠାଯାଇଛି । ଶବ ବ୍ୟବଛେଦ ହେବା ପରେ ପରିବାର ଲୋକଙ୍କୁ ଶବ ସତ୍କାର ପାଇଁ ଦିଆଯାଇଛି । ଏନେଇ ବ୍ରାହ୍ମଣୀଗାଁ ଥାନାରେ କେଶ୍ ନଂ ୧୦୬/୨୩ ଏକ ମାମଲା ରୁଜୁ କରି ତଦନ୍ତ ଚାଲିଥିବା ସୂଚନା ଦେଇଛନ୍ତି ଥାନା ଅଧିକାରୀ ଶ୍ରୀ ପ୍ରଧାନ ।
