ଘୁ ଉଦୟଗିରି: ସ୍ଥାନୀୟ ଅଞ୍ଚଳରେ କୁକୁର ମାନଙ୍କର ପ୍ରାଦୁର୍ଭାବ ଦେଖିବାକୁ ମିଳିଛି । କୁକୁର କାମୁଡ଼ାରେ ଛୋଟ ଛୁଆ ସମେତ ୩ ଜଣ ବୟସ୍କ ଆଘାତ ହୋଇଥିବା ଶୁଣିବାକୁ ମିଳିଛି । ସୂଚନା ଅନୁସାରେ ସ୍ଥାନୀୟ ପରିଷଦ ଅନ୍ତର୍ଗତ ୧ ନମ୍ୱର୍ ୱାର୍ଡ ପଦାସାହି ଅଞ୍ଚଳର ସବିତା ପ୍ରଧାନ (୪୫ ) ବାହାରେ ବସିଥିବା ବେଳେ କୁକୁର ଆସି ହାତରେ କାମୁଡ଼ି ଥିବା ବେଳେ ହାତରେ ଗଭୀର ଆହତ ହୋଇଛି । ତୁରନ୍ତ ତାଙ୍କୁ ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ର ଅଣାଯାଇ ପ୍ରାର୍ଥମିକ ଚିକିତ୍ସା ପରେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ପଠାଯାଇଥିଲା । ସେପଟେ ରାଇପଲି ଗ୍ରାମର ବର୍ଷେ ଆଠ ମାସର ଛୋଟ ଛୁଆ ଡେଜିଲି ନାୟକଙ୍କୁ ମଧ୍ୟ ଖେଳୁଥିବା ସମୟରେ କୁକୁର କାମୁଡି ଥିବା ସୂଚନା ରହିଛି । ସେହିପରି ଘୁ ଉଦୟଗିରି ଆଖ ପାଖ ଅଞ୍ଚଳର ମହେଶ୍ୱର ମଲ୍ଲିକ (୪୬) ଓ ଲୁହୁରୀଙ୍ଗିଆ ଅଞ୍ଚଳର ସୁକାନ୍ତି ପ୍ରଧାନ (୩୫)ଙ୍କୁ ମଧ୍ୟ କୁକୁର କାମୁଡ଼ି ଆହତ କରିଛନ୍ତି । ସେମାନେ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ହେଉଥିବା ସୂଚନା ରହିଛି । ବୁଲା କୁକୁର ମାନଙ୍କର ପ୍ରାଦୁର୍ଭାବ ବୃଦ୍ଧି ପାଉଥିବା ବେଳେ ଅଞ୍ଚଳର ଲୋକେ ଅଧିକ ସଚେତନ ହେବା ସହିତ ସାବଧାନ ରହିବା ଆବଶ୍ୟକ ରହିଛି ।ବୁଲା କୁକୁରଙ୍କ ପ୍ରାଦୁର୍ଭାବ ଫଳରେ ଲୋକେ ଭୟଭୀତ ରହିଥିବା ସୂଚନା ରହିଛି । ତେବେ ପରିଷଦ ଅନ୍ତର୍ଗତ ୨ ଜଣ ଓ ପଞ୍ଚାୟତ ଅନ୍ତର୍ଗତ ୨ ଜଣ କୁକୁର କାମୁଡ଼ାରେ ଆହତ ହୋଇ ବିଭିନ୍ନ ସ୍ଥାନରେ ଚିକିତ୍ସିତ ହେଉଥିବା ସୂଚନା ରହିଛି ।
