ସିନାପାଲି:ନୂଆପଡା ଜିଲ୍ଲା ସିନାପାଲି ଗୋଷ୍ଠୀ ଶିକ୍ଷା କାର୍ଯ୍ୟାଳୟରେ ଆଜି ବିଇଓ ଭାବରେ ଯତୀନ୍ଦ୍ର କୁମାର ସେଠ୍ ଯୋଗ ଦେଇଥିବା ବେଳେ ତାଙ୍କୁ ସ୍ଥାନୀୟ ପ୍ରାଥମିକ ଶିକ୍ଷକ ସଂଘ ତରଫରୁ ସ୍ୱାଗତ କରାଯାଇଛି । ଦୀର୍ଘ ଦିନ ଧରି ଖାଲି ପଡିଥିବା ବିଇଓ ପଦବୀ ଆଜି ପୂରଣ ହୋଇଥିବାରୁ ଶିକ୍ଷକ ସଂଘ ଖୁସି ବ୍ୟକ୍ତ କରିବା ସହ ଫୁଲ ତୋଡା ଓ ଉପଢୌକନ ଦେଇ ଶ୍ରୀ ସେଠ୍ଙ୍କୁ ଅଭିନନ୍ଦନ ଜଣାଇଥିଲେ । ଅପରପକ୍ଷେ ସିନାପାଲି ଅଂଚଳର ଶିକ୍ଷାର ବିକାଶ ପାଇଁ ଶ୍ରୀ ସେଠ୍ ସମସ୍ତ ଶିକ୍ଷକଙ୍କ ସହଯୋଗ କାମନା କରିଥିଲେ । ଏହି ଅବସରରେ ଶିକ୍ଷକ ସଂଘର ସଂପାଦକ ବାଲାଜୀ ହରିଜନ, ପୂର୍ବ ସଂପାଦକ ବୈଷ୍ଣବ ମେହେର, କୋଷାଧ୍ୟକ୍ଷ ପ୍ରେମାନନ୍ଦ ମେହେର, ରାଜେଂଦ୍ର ଖମାରୀ, ପ୍ରକାଶ ମେହେର, ଖଗେଶ୍ୱର ନିଆଲ, ହୃଦାନନ୍ଦ ମେହେର, ଈଶ୍ୱର ବଘେଲ, ସୁଧିର ଠାକୁର, ଶେଖର ବାଗ, ବଂଶୀଧର ଜଗତ,ସାନୁର୍ଯ୍ୟ ମେହେର , ନବୀନ ହରିଜନ, ସୁବାଷ ଚଂଦ୍ର ଦୀପ ପ୍ରମୁଖଙ୍କ ସହ ସଂଘର ଅନ୍ୟ ସଦସ୍ୟ ଉପସ୍ଥିତ ରହିଥିଲେ ।
