ନୂଆପଡ଼ା : ନୂଆପଡା ସଦର ବ୍ଲକ ତରିଆମହୁଆଭଟା ଗାଁ ପୁଣି ଏକ କଲରାପତରିଆ ବାଘ ଆତଙ୍କ ଖେଲାଉଛି । ତରିଆମହୁଆଭଟା ଗାଁରେ ଭାଗି ରାଉତଙ୍କ ଗୁହାଲକୁ ପଶି ଏକ ବାଛୁରୀକୁ ଆଜି ସକାଲୁ ମାରି ଖାଇଛି । କେବଳ ତରିଆମହୁଆଭଟା ଗାଁରେ ୧୦ରୁ ଉଦ୍ଧ୍ୱର୍ ଗାଈ ଓ ବାଛୁରୀକୁ ବାଘ ମାରି ଖାଇସାରିଲାଣି । ପୁଣି ଏକ ବାଛୁରୀକୁ ଆଜି ବାଘ ମାରି ଖାଇବା ପରେ ଗାଁରେ ଅସନ୍ତୋଷ ଦେଖାଦେଇଛି । ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି । ଗତ ୧୬ ତାରିଖ ଦିନ ନୂଆପଡା ବନ ବିଭାଗ ଅଂଶୁଘାତରେ ଆକ୍ରାନ୍ତ ଏକ ବାଘକୁ ଜଙ୍ଗଲରୁ ଉଦ୍ଧାର କରି ନୂଆପଡାରେ ଚିକିତ୍ସା ଜାରି ରଖିଛନ୍ତି ।
