ଦଶପଲ୍ଲା : ନୟାଗଡ଼ ଜିଲ୍ଲାରେ କାୟା ବିସ୍ତାର କରି ଚାଲିଛି କରୋନା । ଗତକାଲି ଜିଲ୍ଲାରୁ ୧୪୫ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦିନକୁ ଦିନ ଆକ୍ରାନ୍ତ ସଂଖ୍ୟା ବୃଦ୍ଧି ପାଉଥବାରୁ ପରିସ୍ଥିତି ଉଦବେଗଜନକ ହୋଇଛି । ଫଳରେ ସକ୍ରିୟ ଆକ୍ରାନ୍ତ ସଂଖ୍ୟା ୫୫୦ରେ ପହଞ୍ଚିଥିବା ସୂଚନା ମିଳିଛି । ଜିଲ୍ଲାରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ଭାପୁରରୁ ୩ ଜଣ, ଦଶପଲ୍ଲାରୁ ୯ ଜଣ, ଗଣିଆରୁ ୨ ଜଣ, ଖଣ୍ଡପଡ଼ାରୁ ୧୮ ଜଣ, ନୟାଗଡ଼ରୁ ୨୭ ଜଣ, ନୂଆଗାଁରୁ ୧୦ ଜଣ, ଓଡଗାଁରୁ ୨୪ ଜଣ, ରଣପୁରରୁ ୧୮ ଜଣ ଏବଂ ନୟାଗଡ଼ ପୌରାଞ୍ଚଳରୁ ୩୪ ଜଣ ଆକ୍ରାନ୍ତ ରହିଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି ।
