ଘୁ.ଉଦୟିରି: କନ୍ଧମାଳ ଜିଲ୍ଲା ଘୁ ଉଦୟଗିରି ବ୍ଲକ ଅଧିନରେ ଥିବା ଗ୍ରେଶୀଙ୍ଗିଆ ଆରସ୍ମିନ ଜନତା ଉଚ୍ଚ ବିଦ୍ୟାଳୟରେ ପୃଥିବୀ ଦିବସ କନ୍ଧମାଳ ଅନ୍ତରଙ୍ଗ ଯୁବ ମହାସଂଘ, ଆକ୍ସନ ଏଡ୍ ଭି ଫୋର୍ସ ଓ ପ୍ରଦତ୍ତା ଆନୁକୁଲ୍ୟରେ ଆୟୋଜିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସ୍ଥାନୀୟ ବନ ଅଧିକାରୀ ମିନାକ୍ଷୀ କୁମରା ଯୋଗ ଦେଇଥିବା ବେଳେ ସମ୍ମାନିତ ଅତିଥି ମହମ୍ମଦ ଜାମିଲ ଯୋଗଦେଇଥିଲେ । ଏହି କାର୍ଯ୍ୟକ୍ରମ ଅନ୍ତରଙ୍ଗ ଯୁବ ମହାସଂଘ ସମ୍ପାଦକ ହୃଷୀକେଶ ପ୍ରଧାନ ପରିଚାଳନା କରିଥିବା ବେଳେ ସ୍ଥାନୀୟ ସ୍କୁଲର ସମସ୍ତ ଛାତ୍ରଛାତ୍ରୀ ଯୋଗଦେଇଥିଲେ । ଏହି ବିଶ୍ୱ ପୃଥିବୀ ଦିବସ ଅବସରରେ ଛାତ୍ରଛାତ୍ରୀମାନେ ଏସେ ପ୍ରତିଯୋଗିତାରେ ଭାଗ ନେଇଥିଲେ । ସ୍କୁଲର ପ୍ରଧାନ ଶିକ୍ଷକ ବିଶ୍ୱ ପୃଥିବୀ ଦିବସ ବିଷୟରେ ଗଛ ଲଗାଇବା, ଉତ୍ତାପ ନିୟନ୍ତ୍ରଣ, ପରିବେଶ ସୁରକ୍ଷା କରିବାକୁ ପ୍ରୟାସ କରିବା ବିଷୟରେ ପ୍ରକାଶ କରିଥିଲେ ଓ ଆରମ୍ଭରୁ ଛାତ୍ରଛାତ୍ରୀ ମାନଙ୍କ ନିମନ୍ତେ ବିଶ୍ୱ ପୃଥିବୀ ଦିବସ ବିଷୟରେ ଭିଜୁଆଲ ମାଧ୍ୟମରେ ସଚେତନ ବିଷୟ ପରିବେଷଣ କରାଯାଇଥିଲା । ବନ ସୁରକ୍ଷା କାରି ରଶ୍ମିତା ଚୌଧୁରୀ ନିଜ ବକ୍ତବ୍ୟରେ ମଧ୍ୟ ପରିବେଶ ସୁରକ୍ଷା ସହିତ ଗଛ ପ୍ରତି ପ୍ରେମ ରଖିବା ଓ ଏହାର ଯତ୍ନ ନେବା ଏବଂ ଗଛରୋପଣ କରିବା ବିଷୟରେ କହିଥିବାବେଳେ ମୁଖ୍ୟ ଅତିଥି ମଧ୍ୟ ନିଜ ବକ୍ତବ୍ୟରେ ବିଶ୍ୱ ପୃଥିବୀ ଦିବସରେ ବିଭିନ୍ନ ଗଛ ଓ ଉପକାରିତା ସହିତ ଜଙ୍ଗଲକୁ ସୁରକ୍ଷା କରିବା ଓ ଏହାର ଯତ୍ନ କରିବା ବିଷୟରେ ନିଜ ବକ୍ତବ୍ୟରେ କହିଥିଲେ । କାର୍ଯ୍ୟକ୍ରମରେ ସ୍ଥାନୀୟ ସ୍କୁଲର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ସମେତ ବାଲ୍ୟ ବିବାହ ପ୍ରତିରୋଧ ସମ୍ପାଦିକା ବିଷ୍ଣୁପ୍ରିୟା ପ୍ରଧାନ ଯୋଗଦେଇଥିଲେ । ଶେଷରେ ପ୍ରତିଯୋଗିତାରେ ଭାଗ ନେଇ କୃତିତ୍ୱ ପିଲାମାନଙ୍କୁ ମାନପତ୍ର ପ୍ରଦାନ କରାଯାଇଥିଲା ଓ ପରିଚାଳକଙ୍କ ଦ୍ୱାରା ସମସ୍ତଙ୍କୁ ଧନ୍ୟବାଦ୍ ଦେଇ ସଭା ସାଙ୍ଗ କରାଯାଇଥିଲା ।
