ଘୁ ଉଦୟଗିରି: ଘୁ ଉଦୟଗିରି ସ୍ଥିତ ସୁବାସ ବୋଷ ନଗରରେ ଆଜି ଶ୍ରୀ ସତ୍ୟ ସାଇ ସେବା ସଂଗଠନ ପକ୍ଷରୁ ଜିଲ୍ଲା ଯୁବ ସମ୍ମିଳନୀ ଅନୁଷ୍ଠିତ ହୋଇଯାଇଛି । ସକାଳ ୫ ଘଣ୍ଟିକା ସମୟରେ ଓମ୍ କାର ସୁପ୍ରଭାତ ସଂକୀର୍ତ୍ତନ ସହିତ ପତାକା ଉତ୍ତଳନ ଓ ନଗର ପରିକ୍ରମା କରାଯାଇଥିଲା । ପରେ ଭଜନ ଓ ଜ୍ୟୋତି ଆବାହନ ମୁଖ୍ୟ ଅତିଥିଙ୍କ ଦ୍ୱାରା କରି କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ଏହି କାର୍ଯ୍ୟକ୍ରମ ଜିଲ୍ଲାସ୍ତରୀୟ କରାଯାଇଥିବା ବେଳେ ଅନୁଷ୍ଠାନର ଆବାହକ ନାରାୟଣ ମହାପାତ୍ର ପରିଚାଳନା କରିଥିବା ବେଳେ ମୁଖ୍ୟ ଅତିଥି ଭାବରେ ସ୍ଥାନୀୟ ଏନ୍ଏସି ଅଧ୍ୟକ୍ଷା ଭାନୁପ୍ରଭା ମିଶ୍ର, ସଂଗଠନର ରାଜ୍ୟ ଯୁବ ଉପଦେଷ୍ଟା ରଶ୍ମିତା ନାୟକ ଓ ପ୍ରତାପ ଦେହୁରୀ ଯୋଗଦେଇଥିଲେ । ସଂଗଠନର ଜିଲ୍ଲା ସଭାପତି ଡଃ.ମଧୁସୂଦନ ମହାପାତ୍ର ଯୋଗଦେଇଥିଲେ ଓ କାର୍ଯ୍ୟକ୍ରମର ଜିଲ୍ଲା ଯୁବ ସଂଯୋଜକ ହୃଦୟ ରଞ୍ଜନ ହୋତା ଓ ଯୁବ ସଂଯୋଜିକା ଅଶ୍ୱିନୀ ବାଙ୍କ ଆୟୋଜନ କରିଥିବା ବେଳେ ଜିଲ୍ଲାର ସମସ୍ତ ସଂଯୋଜକ ଓ ସଂଜୋଜିକା ଏବଂ ସାଇ ସେବା ଅନୁଷ୍ଠାନର ସମସ୍ତ କର୍ମକର୍ତ୍ତା ଉପସ୍ଥିତ ରହିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲାର ସମସ୍ତ କର୍ମକର୍ତ୍ତାଙ୍କ ସହିତ ଆସନ୍ତା ୨୦୨୨ ବର୍ଷ ନିମନ୍ତେ ସାଇ ସେବା ସଂଗଠନ ପକ୍ଷରୁ ସ୍ୱାବଲମ୍ବୀ, ନିତ୍ୟଶିକ୍ୟା ଦାନ,ସାଇ ଶ୍ରଦ୍ଧା,ନାରାୟଣ ସେବା, ରକ୍ତ ଦାନ ଶିବିର, ପାଦୁକା ଯାତ୍ରା, ପଶ୍ୟ ଗ୍ରାମ, ପ୍ରଶାନ୍ତି ସେବା, ସାଇ କରୁଣା, ସିକିଲିନ ରୋଗୀଙ୍କ ସେବା, ଗ୍ରାମୀଣ କ୍ରୀଡା, କିପରି ସୁପରିଚାଳନା ହୋଇପାରିବ ସେଥିନିମନ୍ତେ ଆଲୋଚନା ହୋଇଥିଲା । ଶେଷରେ ରାଇକିଆ ଆବାହକ ଅଜିତ କୁମାର୍ ଦାସ ଉପସ୍ଥିତ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରି କାର୍ଯ୍ୟକ୍ରମ ଶେଷ କରିଥିଲେ ।
