ବୌଦ୍ଧ : ବୌଦ୍ଧ ଏନଏସିର ୯ ନମ୍ୱର ୱାର୍ଡରେ ରହୁଥିବା ସୁରୁବୁଢି ବେହେରା(୫୦ ବର୍ଷ) ନାମକ ଜଣେ ମହିଳା ଆଜି କୌଣସି କାରଣରୁ ବେକରେ ରଶି ଲଗାଇ ଆତ୍ମହତ୍ୟା କରିଥିଲେ । ତାଙ୍କର ବନ୍ଧୁବାନ୍ଧବ କେହି ନ ଆସିବାରୁ ବୌଦ୍ଧ ଥାନା ତରଫରୁ ବୁଟୁପାଲିର ଗଙ୍ଗାଧର ମେହେର ସ୍ୱେଚ୍ଛାସେବି ସମିତିକୁ ଜଣାଇବା ପରେ,ସଂଗଠନର ସଦସ୍ୟମାନଙ୍କ ପ୍ରୟାସକ୍ରମେ ଜଣେ ଏଏସଆଇ ମଦନ ମୋହନ ପ୍ରଧାନ ଓ ବୌଦ୍ଧ ଏନଏସିର ସହାୟତାରେ ବୌଦ୍ଧ ରାଜଘାଟରେ ମହିଳାଙ୍କ ଶବ ସତ୍କାର କରାଯାଇଥିଲା । ତାଙ୍କର ୧୨ ବର୍ଷର ପୁଅ ଯୋଗେଶ୍ୱର ମୁଖାଗ୍ନି ଦେଇଥିଲେ । ଏହି ଶବସତ୍କାର କାର୍ଯ୍ୟକ୍ରମରେ ସଂଗଠନର ସଦସ୍ୟ ରାମଚନ୍ଦ୍ର ମେହେର,ରମେଶ ପ୍ରଧାନ,ବିକାଶ ମେହେର,ମିନୁ ପ୍ରସାଦ ମିଶ୍ର, ଇନ୍ଦ୍ରମଣି ମେହେରଙ୍କ ସହିତ ଏଏସଆଇ ମଦନ ମୋହନ ପ୍ରଧାନ ଓ ସାମ୍ବାଦିକ ସତ୍ୟନାରାୟଣ ପାଣି ସହଯୋଗ କରିଥିଲେ । ଏହି ମାନବିକ ସହଯୋଗ ପାଇଁ ବିଭିନ୍ନ ମହଲରେ ସଙ୍ଗଠନ ଓ ଅନ୍ୟମାନଙ୍କର ଉଚ୍ଚ ପ୍ରଶଂସା କରାଯାଇଛି ।
