ନବରଙ୍ଗପୁର :ପ୍ରଶାସନକୁ ଖୁଲମ୍ ଖୋଲା ଚ୍ୟାଲେଞ୍ଜ ଦେଇ ନୂତନ କୌଶଳରେ ପନି ପରିବା ଚାଷ ମଧ୍ୟରେ ଚାଲିଥିଲା ବ୍ୟାପକ ଗଞ୍ଜେଇ ଚାଷ । ହେଲେ ନବରଙ୍ଗପୁର ଜିଲ୍ଲା ପୋଲିସ୍ ଗତ ୧୪ତାରିଖରେ ବିଶେଷ ଗୁଇନ୍ଦା ସୂତ୍ରରୁ ଖବର ପାଇ ସ୍ୱତନ୍ତ୍ର ଭବେ ଗଠିତ ମିଳିତ ଟିମ୍ ଦ୍ୱାରା ରାଇଘର ବ୍ଲକ ସୀମାନ୍ତବର୍ତ୍ତୀ କୁନ୍ଦେଇ ଥାନା ଅନ୍ତର୍ଗତ ଧୁଙ୍ଗିଆଡିହି, ପଖନାପାରା ଓ ଖାଲେପାରା ଠାରେ ଅଚାନକ ଚଢ଼ାଉ କରି ବିଭିନ୍ନ ସ୍ଥାନରେ ପରିବା ଚାଷ ସହ ହୋଇଥିବା ହଜାର ହଜାର ସଂଖ୍ୟାର ଗଞ୍ଜେଇ ଗଛକୁ ନଷ୍ଟ କରି ପୋଡ଼ିଥିଲା । ମିଳିତ ଟିମ ଧୁଙ୍ଗିଆଡିହି (ଖାଲେପାରା)ଗ୍ରାମର ସାମଲାଲ ଗଣ୍ଡଙ୍କ ଘରେ ଚଢ଼ାଉ କରି ୪କିଲୋ ୮୦୦ ଗ୍ରାମ ଗଞ୍ଜେଇ ସହ ଘର ପଛପଟେ ଥିବା ବାଲି ଗଦାରୁ ନଗଦ ୯୩ ହଜାର ଟଙ୍କା ଜବତ କରି ଥାନା କେସ ନଂ ୧୧୬/୨୪ରେ ସାମଲାଲ ଗଣ୍ଡଙ୍କୁ ଗିରଫ କରି କରିଥିବା ବେଳେ ତାଙ୍କ ଭାଇ ସନ୍ତୁରାମ ଗଣ୍ଡଙ୍କ ଚାଷ ଜମିରେ ଲଗାଯାଇଥିବା ଗଞ୍ଜେଇ ଗଛକୁ ନଷ୍ଟ କରିବା ସହ କିଛି ଗଞ୍ଜେଇ ଗଛ ଜବତ କରି ୧୩୪/୨୪ ରେ କେସ ରୁଜୁ କରି ତାଙ୍କୁ ମଧ୍ୟ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ପ୍ରଶାନ୍ତ କୁମାର ସେଠୀ ସୂଚନା ପ୍ରଦାନ କରିଛନ୍ତି ।
