ଆଠଗଡ: ଅଯୋଧ୍ୟା ରେ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମ ଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ ପାଇଁ ଆଜି ବେସ୍ ଉତ୍ସବ ମୁଖର ଗାଁ ଠାରୁ ସହର ।
ଆଜି ସମସ୍ତେ ରାମଲାଲାଙ୍କ ପ୍ରେମରେ ନିଜକୁ ସମର୍ପିତ କରିଦେଇଛନ୍ତି । ସମଗ୍ର ଭାରତରେ ଆଜି ରାମମୟ ହୋଇଯାଇଛି । ଏଥିରୁ ବାଦ୍ ଯାଇନି କଟକ ଜିଲ୍ଲାର ତିଗିରିଆ ନୂଆପାଟଣା ।
ଛୁଆଠାରୁ ବୁଢା ସମସ୍ତେ ଆଜି ରାମ ଭକ୍ତିରେରେ ନିଜକୁ ମସଗୁଲ କରିଦେଇଛନ୍ତି । ସେଥିପାଇଁ ଆଜି ତିଗିରିଆ ନୂଆପାଟଣା ତଳ ସାହିରେ ପ୍ରଭୃ ହନୁମାନଙ୍କ ମନ୍ଦିର ପ୍ରାଙ୍ଗଣରେ ରାମଲାଲାଙ୍କ ପ୍ରତିଷ୍ଠା ଦିବସ ଅବସରରେ ହନୁମାନଙ୍କ ମନ୍ଦିରରେ ପୂଜାର୍ଚ୍ଚନା ସାଙ୍ଗକୁ ହୋମଯଜ୍ଞ ଆଦି ବିଭିନ୍ନ ଆଧ୍ୟାତ୍ମିକ କାର୍ଯ୍ୟ ଚାଲିଛି ।
ମନ୍ଦିରରେ ବେସ୍ ଧୁମ୍ଧାମରେ ପାଳନ କରାଯାଇଛି ରାମଲାଲାଙ୍କ ପ୍ରତିଷ୍ଠା ଉତ୍ସବ । ସାହିର ସମସ୍ତ ଘରେ ଘରେ ମହିଳା ମାନେ ସକାଳୁ ଘର ଆଗରେ ଝୋଟି ଚିତା ପକାଇ ଓ କଳସ ବସାଇ ପୂଜାର୍ଚ୍ଚନା ପରେ ସମସ୍ତେ ରାମ ନାମ ସଂକୀର୍ତ୍ତନ କରି ଗ୍ରାମ ପରିକ୍ରମା କରିଥିଲେ ଓ ଶେଷରେ ମନ୍ଦିର ପ୍ରାଙ୍ଗଣରେ ହୋମ ଯଜ୍ଞ ଓ ନାମ ସଂକୀର୍ତ୍ତନ ଅନୁଷ୍ଠିତ ସାଙ୍ଗକୁ ପ୍ରସାଦ ସେବନ ହୋଇଥିଲା ।
