କୋଣାର୍କ: ଗୁରୁବାର ଅପରାହ୍ଣରେ ପୁରୀ-କୋଣାର୍କ ବେଳାମାର୍ଗ ରାସ୍ତା ରାମଚଣ୍ଡୀ ଥାନା ନିକଟ ଖାଲକଟା ପାଟଣାଠାରେ ଭାରସାମ୍ୟ ହରାଇ ଏକ କାର ଦୁର୍ଘଟଣା ଗ୍ରସ୍ତ ହୋଇ ଦୁଇଜଣ ଗୁରୁତର ଭାବେ ଆହତ ହୋଇଥିବା ଜଣାପଡିଛି । ଖବରୁ ଜଣାପଡିଛି ଯେ, ଭୁବନେଶ୍ୱର ଧର୍ମ ବିହାର ଅଂଚଳରୁ କୋଣାର୍କ ଚନ୍ଦ୍ରଭଗା ବେଳାମାର୍ଗରେ ପ୍ରି ୱେଡିଙ୍ଗ ସୁଟିଙ୍ଗ କରିବାକୁ ଆସି ସୁଟିଙ୍ଗ ସାରି ଏକଧଳା ରଙ୍ଗ କ୍ୱିଡ଼ କାର
ଓଡି-୩୩ଇଇ-୪୬୬୭ନମ୍ବର ଗାଡିରେ ଭୁବନେଶ୍ୱରର ଜନ୍ମେଜୟ ଛୋଟରାୟ(୩୦) ଓ ଭୂପତି ଛୋଟରାୟ(୨୦) ନାମକ ଦୁଇଯୁବକ ଡ୍ରାଇଭର ସହିତ ଚନ୍ଦ୍ରଭାଗାରୁ ଖାଲକତାପଟଣା ରେ ଥୁବା ଏକ ରେଷ୍ଟୁରାଣ୍ଟରେ ଖାଇ ପୁଣି ଚନ୍ଦ୍ରଭଗା ଅଭିମୁଖେ ଆସୁଥିଲା ବେଳେ କାରଟି ଭାରସାମ୍ୟ ହରାଇ ଏକ ଗଛରେ ପିଟିହୋଇ ଓଲଟି ପଡିଥିଲା । ସେଥିରେ ଥିବା ଦୁଇଜଣ ଯୁବକ ଗୁରୁତର ଭାବେ ଆହତ ହୋଇଥିଲା ବେଳେ ଡ୍ରାଇଭର ଜଣକ ସୌଭାଗ୍ୟବଶତଃ ବର୍ତ୍ତି ଯାଇଥିଲେ ।ରାମଚଣ୍ଡୀ ନିକଟରେ ଥିବା ସ୍ଥାନୀୟ ଯୁବକ ମେରାଇନ ଥାନାକୁ ଖବର ଦେଇଥିଲେ । ଖବର ପାଇ ତୁରନ୍ତ ମେରାଇନ ଥାନା ଏ ଏସ ଆଇ ପ୍ରକାଶ ମହାନ୍ତି ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଯୁବକଙ୍କ ସହାୟତରେ ଉକ୍ତ ଯୁବକଙ୍କୁ ଉଦ୍ଧାର କରି ଅମ୍ବୁଲାନ୍ସରେ ପୁରୀ ଡାକ୍ତରଖାନାକୁ ପଠାଇଥିଲେ । ସେଠାରେ ଉଭୟ ସୁସ୍ଥ ଥିବା ଜଣାପଡିଛି
