ନବରଙ୍ଗପୁର : ଭୁବନେଶ୍ୱର କିଟଠାରେ ଅନୁଷ୍ଠିତ ହୋଇଥିବା ୬୯ତମ ରାଜ୍ୟ ଆଥଲେଟିକ ମିଟରେ ନବରଙ୍ଗପୁର ଜିଲ୍ଲା ଦଳ ଦୁଇଟି ସ୍ୱର୍ଣ୍ଣ, ସାତଟି ରୌପ୍ୟ ଓ ପାଞ୍ଚଟି ବ୍ରୋଞ୍ଜ ସହ ସର୍ବମୋଟ ଚଉଦ ଗୋଟି ମେଡାଲ ହାସଲ କରି ଜିଲ୍ଲାକୁ ଗୌରବନ୍ୱିତ କରିଛନ୍ତି । ଏଥି ମଧ୍ୟରୁ ସୁରେନ୍ଦ୍ର ସାନ୍ତା ୪୦୦ମିଟର ହଡାଲରେ ଏବଂ ସୁନିତା ସାନ୍ତା ୨୦୦୦ ମିଟର ଟ୍ରିପଲ ଚଇସରେ ସ୍ୱର୍ଣ୍ଣ ପଦକ ହାସଲ କରିଥିବା ବେଳେ ସିଲା ପୂଜାରୀ, କାହ୍ନ ବାରୁଆ, ମୋନିରାମ ଗଣ୍ଡ, ଚୈତନ୍ୟ ସମରଥ, ସୁଭମ ଜ୍ୟୋତି ସି, ଚମ୍ପୁ ଭତ୍ରା ପ୍ରମୁଖ ରୌପ୍ୟ ପଦକ ଏବଂ ପଲ୍ଲବୀ ନାୟକ, ଏଲ. ସ୍ନିଗ୍ଧା, ମଙ୍ଗନାଥ ରାଜଗଣ୍ଡ, ତୁଳସା ରାଜଗଣ୍ଡ, ଦଇତା ହାନ୍ତାଳ ପ୍ରମୁଖ ବ୍ରୋଞ୍ଜ ପଦକ ହାସଲ କରିଛନ୍ତି । ଏହି ଦଳ ସହ ସପନ ବୈରାଗୀ, ଏମ. ବିଜୟ କୁମାର, ଦୁର୍ଯ୍ୟ ହରିଜନ ଏବଂ ନବିନା ସାନ୍ତା ଅଫିସିଆଲ ଷ୍ଟାଫ ଦାୟିତ୍ୱ ତୁଲାଇଥିଲେ । ଏହି ସଫଳତା ହାସଲ ପରେ ଜିଲ୍ଳା କ୍ରୀଡା ସଙ୍ଘର ସମ୍ପାଦକ ପ୍ରହ୍ଲାଦ ତ୍ରିପାଠୀ, ଉପସଭାପତି ଏମ. ବାଲା କ୍ରିଷ୍ଣ ରାଓ, ସହ ସମ୍ପାଦକ ମନୋଜ କୁମାର ପଟ୍ଟନାୟକ, ଆଥଲେଟିକ ସମ୍ପାଦକ ଜିତେନ୍ଦ୍ର ପରିଛା, ଇଣ୍ଡର ସମ୍ପାଦକ କୃଷ୍ଣ ପ୍ରାସାଦ ପଟ୍ଟନାୟକ, ହକି ସମ୍ପାଦକ ଦୁର୍ଗା ମଲିକ, ମହିଳା କ୍ରୀଡା ସମ୍ପାଦିକା ଇ. ଚନ୍ଦନା ମଲିକ କ୍ରିକେଟ ସମ୍ପାଦକ ଅଶୋକ ନାୟକ ପ୍ରମୁଖ ଶୁଭେଚ୍ଛା ଜଣାଇଛନ୍ତି । ଉକ୍ତ ଖବର ପ୍ରସାରିତ ହେବା ପରେ ଜିଲ୍ଲାର ଖେଳାଳିଙ୍କ ମଧ୍ୟରେ ଉତ୍ସହର ଲହରୀ ଖେଳିଯାଇଛି ।
