ଭୁବନେଶ୍ୱର : ରାଜ୍ୟରେ ଦିନକୁ ଦିନ ଆଇନଶୃଙ୍ଖଳା ବିଗୁଡିଥିବା ବେଳେ ଖୋଦ ରାଜଧାନୀ ଭୁବନେଶ୍ୱରରେ ଅପରାଧ, ହତ୍ୟା ଭଳି ଘଟଣା ନିତିଦିନିଆ ହୋଇଗଲାଣି । ଆଜି ରାଜଧାନୀର ଚନ୍ଦ୍ରଶେଖରପୁର ଥାନା ଅଂଚଳରେ ଏକ ଡବଲ ମର୍ଡର ଭଳି ଏକ ଘଟଣା ଘଟିଛି । ଯାହାକୁ ନେଇ ରାଜଧାନୀରେ ଆତଙ୍କ ସୃଷ୍ଟି ହୋଇଛି । ଜଣେ ବ୍ୟକ୍ତି ନିଜ ସ୍ତ୍ରୀ ଓ ଶାଳୀଙ୍କୁ ହତ୍ୟା କରିଥିବା ନେଇ ଥାନାରେ ଅଭିଯୋଗ ହୋଇଛି । ଉଭୟଙ୍କ ମୃତଦେହକୁ ଅଭିଯୁକ୍ତ ଜଣକ ଲୁଚାଇ ରଖିଥିବା ସୂଚନା ମିଳିଛି । ଘଟଣା ସ୍ଥଳରେ ଚନ୍ଦ୍ରଶେଖରପୁର ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ହତ୍ୟା ସନ୍ଦେହରେ ସ୍ୱାମୀ ବିଜୟ ସେଠୀଙ୍କୁ ଥାନାରେ ଅଟକ ରଖିଥିଲା । ଅଭିଯୁକ୍ତ ବିଜୟ ସେଠୀ ଟାଙ୍ଗିଆରେ ହାଣି ହତ୍ୟା କରିଥିବା ସ୍ୱୀକାର କରିଛି । ମୃତ ୨ମହିଳା ହେଲେ ଗାୟତ୍ରୀ ସେଠୀ ଓ ସରସ୍ୱତୀ ସେଠୀ ବୋଲି ଜଣାପଡିଛି ।
