ନୂଆପଡ଼ା : ନୂଆପଡ଼ା ଜିଲ୍ଲା ସଦର ବ୍ଲକ ଧରମବନ୍ଦା ଥାନା କେନ୍ଦୁ ବାହାରା ଗାଁରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ବାପା ନିଜ ୧୩ ବର୍ଷର ଝିଅକୁ ତଣ୍ଟି ଚିପି ହତ୍ୟା କରିଥିବା ଏକ ନିନ୍ଦନୀୟ ଘଟଣା ସାମନା ଆସିଛି । ଧରମବନ୍ଦା ଥାନା କେନ୍ଦୁ ବାହାରା ଗାଁର ଗଜାନନ୍ଦ ମାଝୀ ଓ ତାର ସ୍ତ୍ରୀ ଗୋପପରି ମାଝୀ ପାରିବାରିକ କଥାକୁ ନେଇ ଉଭୟ ସ୍ୱୀମୀ ସ୍ତ୍ରୀ କଲହ ଲାଗିଥିଲେ । ନିଜ ମାଁ ଏବଂ ବାପାଙ୍କୁ ବୁଝାଇବାକୁ ଯାଇଥିବା ବେଳେ ଗଜାନନ୍ଦ ମାଝୀ ନିଜ ସ୍ତ୍ରୀକୁ ମାଡ ମାରୁଥିଲା । ଠିକ୍ ସେହି ସମୟ ରେ ଗଜାନନ୍ଦଙ୍କ ୧୩ ବର୍ଷ ର ଝିଅ ଜ୍ୟୋତି ମାଝୀ ସହ୍ୟ କରିନପାରି ମାଁ କୁ ଛଡାଉଥିବା ସମୟରେ ଉତ୍ତେଜିତ ହୋଇ ଗଜାନନ୍ଦ ତାର ନିଜ ଝିଅ ଜ୍ୟୋତି ମାଝୀଙ୍କ ତଣ୍ଟିକୁ ଚିପି ଜୀବନରେ ମାରି ଦେଇଥିଲେ । ଘଟଣାସ୍ଥଳରେ ଜ୍ୟୋତି ମାଝୀଙ୍କ ମୃତ୍ୟୁ ଘଟିଥିଲା । ଜ୍ୟୋତିଙ୍କ କାକା ଧରମବନ୍ଦା ଥାନାକୁ ଆସି ହତ୍ୟାକାରୀ ଗଜାନନ୍ଦ ମାଝୀଙ୍କ ବିରୁଦ୍ଧରେ ଏତଲା ଦେଇଥିଲେ । ଧରମବନ୍ଦା ପୋଲିସ ଅଭିଯୁକ୍ତ ହତ୍ୟାକାରୀକୁ ଗିରଫ କରି ତଦନ୍ତ ଚଲାଇଛି । ନିଜ ଭିତରେ ଥିବା କ୍ରୋଧକୁ ନିୟନ୍ତ୍ରଣ କରି ପାରିନଥିଲେ । ଫଳରେ ନିଜ ହାତରେ ନିଜ ଝିଅକୁ ମାରି ଦେଇଛନ୍ତି ।
