ନୂଆପଡ଼ା : ନୂଆପଡ଼ା ଜିଲ୍ଲା ଖଡ଼ିଆଳ ସ୍ୱୟଂ ଶାସିତ ମହାବିଦ୍ୟାଳୟ ଠାରେ ଜିଲ୍ଲା ଏମ୍ପ୍ଲେଇ ଏକ୍ସଚେଞ୍ଜଙ୍କ ସହାୟତାରେ ୟାର ଫୋର୍ସ ଅଗ୍ନିବୀର ବାୟୁ ,ଅଗ୍ନିପଥ ସ୍କିମ ଉପରେ ଏକ କ୍ୟାରିଅର କାଉନସିଲିଂ ଅନୁଷ୍ଠିତ ହୋଇଯାଇଛି । ସ୍କାଡ୍ରେନ ଲିଡ଼ର ଏନଏଏସସି ,ଏଏଫ ଭୁବନେଶ୍ୱର ଶ୍ରୀ ରାଜେଶ ଓ ଶ୍ରୀ ଅବେଶ ଉପସ୍ଥାପନା କରିଥିଲେ । ଏଥିରେ ଅଗ୍ନିବୀର ସ୍କିମର କିପରି ଏପ୍ଲାଇ କରିବେ ,କଣ କଣ ଜିନିଷ ଦରକାର, ସ୍ୱାସ୍ଥ୍ୟ ଜନିତ କଣ ଦରକାର ଏ ଉପରେ ଆଲୋଚନା କରିଥିଲେ । ଏତତ ବ୍ୟତିତ ଏଥିରେ ଦରମା, ବୋନସ ଛୁଟି ପ୍ରଭୁତି ଆଲୋଚନା କରିଥିଲେ । ଚାରି ବର୍ଷ ଚାକିରୀ ପରେ ଅନ୍ୟାନ୍ୟ କ୍ଷେତ୍ରରେ କିପରି ଚାକିରୀ କରି ପାରିବେ ଏକ୍ସ ସର୍ଭିସିଂ ମେନ ଭାବରେ ତା ଉପରେ ମଧ୍ୟ ଆଲୋଚନା କରିଥିଲେ । ଅଧ୍ୟକ୍ଷ ଡ. ତରୁଣ କୁମାର ପ୍ରଧାନଙ୍କ ଅଧ୍ୟକ୍ଷତାରେ ହୋଇଥିବା କାର୍ଯ୍ୟକ୍ରମରେ ଅଧ୍ୟାପିକା ଶୀଳା ତ୍ରିବେଦୀ ପ୍ରଥମେ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ଅଧ୍ୟାପକ ଚୈତନ୍ୟ କୁମାର ମହାନ୍ତି ଓ କ୍ରୀଡା ଶିକ୍ଷକ ଡ. ସରୋଜ କୁମାର ପଣ୍ଡା ସହଯୋଗ କରିଥିଲେ । ଅତିଥି ଭାବେ ଅଧ୍ୟାପକ ଡ. ପଦ୍ମଲୋଚନ ବର୍ମା ଯୋଗ ଦେଇଥିବା ବେଳେ ଅଧ୍ୟାପକ ଡ଼. ରଣବୀର ସିଂ, ତଥାଗତ ରାଉତ ପ୍ରମୁଖଉପସ୍ଥିତ ଥିଲେ । କାର୍ଯ୍ୟକ୍ରମରେ ଶତାଧିକ ଛାତ୍ରଛାତ୍ରୀ ଉପସ୍ଥିତ ଥିବା ବେଳେ ଅଧ୍ୟାପକ ଚୈତନ୍ୟ ମହାନ୍ତି ଧନ୍ୟବାଦ ଅର୍ପଣ କରିଥିଲେ ।
