ପୁରୀ : ଆଜି ପୁରୀରେ ପହଁଚିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଆଜି ଅପରାହ୍ନରେ ପୁରୀରେ ପହଁଚିବେ । ଆଜି ଏବଂ ଆସନ୍ତାକାଲି ସେ ପୁରୀରେ ରାତ୍ରି ଯାପାନ କରିବେ ବୋଲି ଜଣାପଡିଛି । ଆସନ୍ତାକାଲି ଅପରାହ୍ନ ସମୟରେ ଶ୍ରୀ ମନ୍ଦିରରେ ଶ୍ରୀଜୀଉଙ୍କ ଦର୍ଶନ କରିବାର କାର୍ଯ୍ୟକ୍ରମ ରହିଛି । ସୁରକ୍ଷା ବ୍ୟବସ୍ଥା କଡାକଡି କରିବା ଲାଗି ପୋଲିସ ପ୍ରଶାସନ ପକ୍ଷରୁ ଅତିରିକ୍ତ ଏସପି ୩ଜଣ, ଡିଏସ୍ପି ୪ଜଣ ଏବଂ ୪ପ୍ଲାଟୁନ ପୋଲିସ ଫୋର୍ସ ସୁରକ୍ଷା ଦାୟିତ୍ୱ ରେ ମୁତୟନ ଅଛନ୍ତି । ମମତା ବାନାର୍ଜୀଙ୍କ ରହଣି ସ୍ଥଳ ଏବଂ ଯେଉଁ ସବୁ ସ୍ଥାନକୁ ଗସ୍ତ କରିବେ ସେ ସ୍ଥାନକୁ କଡା ସୁରକ୍ଷା ମଧ୍ୟରେ ରଖାଯିବ ବୋଲି ପୁରୀ ଏସପି ମତ ଦେଇଛନ୍ତି । ଜିଲ୍ଲା ପ୍ରଶାସନ ପକ୍ଷରୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ଆମ୍ବୁଲାନ୍ସ, ଅଗ୍ନିଶମ, ଡାକ୍ତରୀ ଟିମ ସହ ବିଭିନ୍ନ ଅନୁସଙ୍ଗିକ ବ୍ୟବସ୍ଥା କରାଯାଉଥିବା କହିଛନ୍ତି ପୁରୀ ଜିଲ୍ଲାପାଳ ।
