ଗଞ୍ଜାମ :ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଭୁତସରସିଙ୍ଗି ନିକଟ ଝରଣ ଛକ ଠାରେ ଭୋର ୫ଘଣ୍ଟ ସମୟରେ ମୋରମ ଧରି ଆସୁଥିବା ହାଇୱା ଟ୍ରକଟି ଭାରସାମ୍ୟ ହରାଇ ପାହାଡ଼ ତଳେ ଓଲଟି ପଡିବା ଫଳରେ ଗାଡ଼ିର ଡ୍ରାଇଭର ସଞ୍ଜୟ ସାହୁଙ୍କ ମୋରମ ତଳେ ରହି ମୃତ୍ୟୁ ହୋଇଛି । ପ୍ରକାଶ ଥାଉକି ପୁରୁଷୋତ୍ତମପୁର ଅଞ୍ଚଳ ତ୍ରିପୁରା ଏଜେନ୍ସି ହାଇୱାରେ ପୁରୁଷୋତ୍ତମପୁର ଏନଏସି ଗଡ଼ ସାହି ନଦୀପଦର ସାହିର ସ୍ୱର୍ଗତ ରାମକୃଷ୍ଣ ସାହୁଙ୍କ ପୁତ୍ର ସଞ୍ଜୟ ସାହୁ (୩୧) ସବୁ ଦିନ ପରି ଆଜି ମଧ୍ୟ ହାଇୱା ଗାଡି ଚଳାଉଥିଲେ । ଆଜି ଝରଣ ଛକ ଠାରେ ସେ ଚଳାଉଥିବା ଗାଡିଟି ହଠାତ୍ ଭାରସାମ୍ୟ ହରାଇ ଓଲଡି ପଡିଥିଲା । ଫଳରେ ତାଙ୍କର ମୃତ୍ୟୁ ହୋଇଥିଲା । ମୃତ ସଞ୍ଜୟର ସ୍ତ୍ରୀ ଶାନ୍ତି ନାୟକ ହାଇୱା ଓଲଟି ସଞ୍ଜୟଙ୍କ ମୃତ୍ୟୁ ହୋଇଥିବାର ପୁରୁଷୋତ୍ତମପୁର ଥାନାରେ ଏତଲା ଦେବାପରେ ଘଟଣା ସ୍ଥଳକୁ ପୋଲିସ ପହଞ୍ଚି ହାଇୱାର ମୁଣ୍ଡ ତଳେ ସଞ୍ଜୟ ଚାପିହୋଇ ଥିବା ବେଳେ ତାଙ୍କୁ ଉଦ୍ଧାର କରି ପୁରୁଷୋତ୍ତମପୁର ସ୍ୱାସ୍ଥ୍ୟ କେନ୍ଦ୍ରକୁ ଆଣି ପୋଲିସ ଦ୍ୱାରା ପଞ୍ଚନାମା କରି ଏକ କେଶ ନଂ -୮୯୪/୨୩ ପ୍ରକାରେ ମାମଲା ରୁଜୁ କରି ଶବଟିକୁ ବ୍ୟବଚ୍ଛେଦ କରି ମୃତ ପରିବାରକୁ ହସ୍ତାନ୍ତର କରିଯାଇଥିବା ତଦନ୍ତ କାରି ପୋଲିସ ଏଏସଆଇଁ ସୁଶାନ୍ତ କୁମାର ମିଶ୍ର ସୂଚନା ପ୍ରଦାନ କରିଛନ୍ତି ।
