ଜହ୍ନାପଙ୍କ,୩୦/୩: ବୌଦ୍ଧ ଜିଲ୍ଲା ଖୁଂଟବନ୍ଧ ପଂଚାୟତ ଅନ୍ତର୍ଗତ ଜହ୍ନାପଙ୍କ ଗାୟତ୍ରୀ ପ୍ରଜ୍ଞା ପୀଠରେ ବାସନ୍ତିକ ନବରାତ୍ର ବ୍ରତ ପାଳନ ଓ ଉଦଯାପନୀ ଉତ୍ସବ ଗାୟତ୍ରୀ ମିଶନର ମୁଖ୍ୟ ନବୀନ କୁମାର ପ୍ରଧାନଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଶତାଧିକ ଗାୟତ୍ରୀ ପରିବାରର ମହିଳା ଓ ପୁରୁଷ ଯୋଗଦାନ କରିଥିଲେ । ନବରାତ୍ର ଉଦଯାପନୀ ଉତ୍ସବ ଓ ଶ୍ରୀରାମ ନବମୀ ପୂଜା ଆୟୋଜନ ହୋଇଥିଲା । ଯଜ୍ଞ କାର୍ଯ୍ୟକ୍ରମରେ ସସ୍ତ୍ରିକ ନିଳୀମା ପ୍ରଧାନ ଓ ଅଜିତ ପ୍ରଧାନ, ଭାସ୍କର ଦୋରା ଓ ଲକ୍ଷ୍ମୀ ଦୋରା କର୍ତ୍ତା ଦାୟିତ୍ୱ ତୁଲାଇଥିଲେ । ପୂର୍ଣ୍ଣଚନ୍ଦ୍ର ମେହେର ପୂଜା କାର୍ଯ୍ୟ କରିଥିଲେ । ନବରାତ୍ର ସମୟରେ ଦିକ୍ଷାଧାରୀ ମାନେ ଅସ୍ୱାଦ ଭୋଜନ ପୂର୍ବକ ସମୂହ ଜପ ଓ ସାଧନା କରୁଥିଲେ । କାର୍ଯ୍ୟକ୍ରମକୁ ପବିତ୍ର ପ୍ରଧାନ, କଷ୍ଟ ଗାଇଗୌରିଆ, ବଶିଷ୍ଠ ସାହୁ, ପରମାନନ୍ଦ ସାହୁ, ସ୍ୱାଧୀନ ପ୍ରଧାନ, ଶାନ୍ତନୁ ମିର୍ଦ୍ଧା, ନାରାୟଣ ମହାକୁଳ, ନିର୍ମଳ କୁମାର ସାହୁ, ଚିରଞ୍ଜିବୀ ପଟ୍ଟନାୟକ, ଚନ୍ଦ୍ରାବତି ମେହେର ପ୍ରମୁଖ ସହଯୋଗ କରିଥିଲେ ।
