ଦଶପଲ୍ଲା : ଯୋଗ୍ୟତାଭିତ୍ତିକ ଧାରା ୯କୁ କାର୍ଯ୍ୟକାରୀ କରିବା ଦାବି ନେଇ ରାଜ୍ୟ ଅମଲା ସଂଘର ନିଷ୍ପତି କ୍ରମେ ଗତ ସୋମବାର ଠାରୁ ଦଶପଲ୍ଲା ବ୍ଲକର କାର୍ଯ୍ୟରତ ଅମଲା ମାନେ କଳାବ୍ୟାଜ୍ ପରିଧାନ ପୂର୍ବକ କାର୍ଯ୍ୟରେ ଯୋଗ ଦେଇଛନ୍ତି । ରାଜ୍ୟ ଅମଲା ସଂଘର ନିଷ୍ପତି କ୍ରମେ ଅମଲା ମାନେ ଆସନ୍ତା ୩୧ ତାରିଖ ପର୍ଯ୍ୟନ୍ତ କଳାବ୍ୟାଜ ପରିଧାନ କରିବେ । ଅମଲାମାନେ ସରକାରଙ୍କର ବିଭିନ୍ନ ଜନକଲ୍ୟାଣକାରୀ ଯୋଜନା ଗୁଡିକର ସଫଳ ରୂପାୟନ କରିଥାନ୍ତି । କିନ୍ତୁ ଏହା ବଦଳରେ ସେମାନେ ସରକାରୀ ଅବହେଳା ଓ ପ୍ରତାରଣାର ଶିକାର ହୋଇ ଆସୁଛନ୍ତି । ତେଣୁ ବେତନରେ ସଙ୍ଗତି ନଆସିଲେ ଆସନ୍ତା ୧ ତାରିଖରୁ ଅମଲାମାନେ ସମୂହ ଛୁଟିରେ ଯିବେ ବୋଲି ଦଶପଲ୍ଲା ଅମଲା ସଂଘ ଚେତାବନୀ ଦେଇଛି ।
