ପାଟଣାଗଡ଼ : ପାଟଣାଗଡ଼ ଏନ୍ଏସି ଅନ୍ତର୍ଗତ ଗଡ଼ ଭିତରେ ପଡ଼ିଆ ପାଖରେ ଥିବା ପାଟଣେଶ୍ୱରୀ ଉତ୍ସବ ଭବନଠାରେ ଏନ୍ଏସି ପକ୍ଷରୁ ଗୋଷ୍ଠୀ ସହଭାଗିତାମାନଙ୍କୁ ସ୍ୱଚ୍ଛ ଭାରତ ମିଶନ ତରଫରୁ ସାଇକେଲ ବଣ୍ଟନ କରାଯାଇଥିଲା । ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ଗୌରହରି ମହନ୍ତଙ୍କ ତତ୍ତ୍ୱାବଧାନରେ ପାଟଣାଗଡ଼ ବିଧାୟକ ସରୋଜ କୁମାର ମେହେରଙ୍କ ଉପସ୍ଥିତିରେ ସାଇକେଲ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପରିମଳ ପରିଚାଳନା କେନ୍ଦ୍ରରେ କାର୍ଯ୍ୟରତ ସ୍ୱୟଂ ସହାୟକ ଗୋଷ୍ଠୀ ମହିଳା, ଆହାର ସାଥୀ, ଏମସିସି, ଏମଏସଏଫ୍ ରେ କାର୍ଯ୍ୟରତ ମହିଳା କର୍ମଚାରୀ, ଜଳସାଥି, ଆହାର ସାଥୀ, ସ୍ୱଚ୍ଛସାଥି ଓ ସୁପରଭାଇଜର ଭାବେ କାର୍ଯ୍ୟରତ ଏହିପରି ୨୨ ଜଣ ମହିଳା କର୍ମଚାରୀ ମାନଙ୍କୁ ସାଇକେଲ ବଣ୍ଟନ କରାଯାଇଥିଲା । ଏହି ବଣ୍ଟନ ଉତ୍ସବରେ ଏନ୍ ଏସି ଅଧ୍ୟକ୍ଷା ମାନସୀ ବିଶ୍ୱାଳ, ଉପାଧ୍ୟକ୍ଷ ପ୍ରଫୁଲ୍ଲ କୁମାର ମେହେର ଉପସ୍ଥିତ ଥିବା ବେଳେ ସମସ୍ତ କାଉନସିଲରଙ୍କ ସମେତ ଏନ୍ଏସି କର୍ମଚାରୀ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସହଯୋଗ କରିଥିଲେ ।
