ବାଲିଗୁଡ଼ା: କନ୍ଧମାଳ ଜିଲ୍ଲା ଦାରିଙ୍ଗବାଡି ଥାନା ଅନ୍ତର୍ଗତ ୫୯ନମ୍ବର ଜାତୀୟ ରାଜପଥର ଡବେରୀ ଓ ପଞ୍ଚୁପଲ୍ଲୀରେ ବିଳମ୍ବିତ ରାତିରେ ଅଜଣା ଗାଡ଼ି ଧକ୍କାରେ ୫ଟି ଗାଈଙ୍କ ମୃତ୍ୟ ଘଟିଥିବା ବେଳେ ୨ଟି ଗାଈ ଗୁରୁତର ଆହତ ହୋଇଥିବା ଜଣାପଡ଼ିଛି । ଡବେରୀ ଗ୍ରାମର ବିଶ୍ରାମ ପ୍ରଧାନଙ୍କ ଗୋଟିଏ ଗାଈ ଓ ନିରାକାର ପ୍ରଧାନଙ୍କ ୨ଟି ଗାଈର ମୃତ୍ୟୁ ହୋଇଥିବା ବେଳେ ଅନ୍ୟ ମୃତ ଗାଈ ଓ ଆହତ ଗାଈଙ୍କ ମାଲିକଙ୍କ ନାମ ଜଣାପଡ଼ିନାହିଁ । ବାରମ୍ବାର ୫୯ନଂ ଜାତୀୟ ରାଜପଥରେ ଏଭଳି ଘଟଣା ଦେଖିବାକୁ ମିଳୁଛି । ଗାଈ ମାଲିକମାନେ ବେପରୁଆ ଭାବେ ଗାଈଗୋରୁଙ୍କୁ ବାହାରେ ଛାଡ଼ିଦେଇ ନିଶ୍ଚିନ୍ତରେ ରହୁଥିବା ବେଳେ ଆକାରଣରେ ନିରୀହ ଗାଈଗୋରୁଙ୍କ ଜୀବନ ହାନି ଘଟିବା ସହ ଦୁର୍ଘଟଣାରେ ଅନେକ ଲୋକଙ୍କ ଜୀବନ ହାନି ମଧ୍ୟ ଘଟୁଛି । ଏଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଅଞ୍ଚଳର ପ୍ରଶାସନିକ ଅଧିକାରୀ ଏବଂ ଗାଈ ମାଲିକଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କଲେ ଗୋ ମାତାଙ୍କ ସୁରକ୍ଷା ସହ ଦୁର୍ଘଟଣାରେ ଲୋକଙ୍କ ଜୀବନ ମଧ୍ୟ ବଞ୍ଚାଯାଇ ପାରିବ ବୋଲି ବୁଦ୍ଧିଜୀବୀମାନେ ମତପ୍ରକାଶ କରିଛନ୍ତି ।
