ଦଶପଲ୍ଲା :ନୟାଗଡ଼ ଏସପି ଅଲେଖ ଚନ୍ଦ୍ର ପହି ଅବସର ଗ୍ରହଣ କରିବା ପରେ ଖୋର୍ଦ୍ଧା ଏସ୍ପି ନୟାଗଡ଼ ଦାୟିତ୍ୱରେ ରହିଥିଲେ । ରାଜ୍ୟ ସରକାରଙ୍କ ଗୃହ ବିଭାଗ ୨୦୧୫ ବ୍ୟାଚ ଆପିସଏସ ରାହୁଲ ଜୈନଙ୍କୁ ନୟାଗଡ଼ ଏସପି ଭାବେ ଦାୟିତ୍ୱ ପ୍ରଦାନ କରିଛନ୍ତି । ସେ ପୂର୍ବରୁ ଝାରସୁଗୁଡା, ନୂଆପଡ଼ା ଓ ବରଗଡ଼ ଏସପି ଭାବେ କାର୍ଯ୍ୟ କରିଥିଲେ । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କ ସୁରକ୍ଷା ଦାୟିତ୍ୱରେ ରହିଥିଲେ । ଜଣେ ଆଇପିଏସ ଅଧିକାରୀ ନୟାଗଡ଼ ଜିଲ୍ଲା ପୁଲିସରେ ବ୍ୟାପକ ପରିବର୍ତ୍ତନ ଆଣିବେ ବୋଲି ଆଶା କରାଯାଉଛି । ନୟାଗଡ଼ ଜିଲ୍ଲାରେ ବେଆଇନ ନିଶା କାରବାର, ଗୋ-ଚାଲାଣ, ଅପରାଧ ବୃଦ୍ଧି ପାଉଥିବା ବେଳେ ଶ୍ରୀଯୁକ୍ତ ଜୈନ ଏଥିର ଅନ୍ତ ଘଟାଇବେ ବୋଲି ଆଲୋଚନା ହେଉଛି ।
