ବୌଦ୍ଧ : ଗତ କାଲି ବିଳମ୍ବିତ ରାତ୍ରିରେ ବନବିଭାଗର କର୍ମଚାରୀମାନେ ପେଟ୍ରାଲିଂ କରୁଥିବା ବେଳେ ବୌଦ୍ଧ ଥାନା ଅନ୍ତର୍ଗତ ବଘିଆପଡା ପଂଚାୟତର ଖଲିଆପାଲି ଛକଠାରେ ହଠାତ ଦୁର୍ବୃତ୍ତମାନେ ଗୁଳି ଚାଳନା କରିଥିଲେ । ଫଳରେ ଦୁଇ ଫରେଷ୍ଟ୍ ଗାର୍ଡ ଗୁଳିମାଡରେ ଆହତ ହୋଇଥିଲେ । ଦୁଇ ଆହତଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଆହତ ଦୁଇ ଫରେଷ୍ଟ ଗାର୍ଡ ହେଲେ ନୀଳାଚଳ ପ୍ରଧାନ ଓ ନବକିଶୋର ସାହୁ । ଘଟଣା ଅନୁଯାୟୀ ଗାଡ଼ିରେ ଲାଗିଥିବା ଗୁଳି ମାଡ଼ ଚିହ୍ନ ଏହା ସଂଘବଧ ଆକ୍ରମଣ ହୋଇଥାଇ ପାରେ ଓ ଏହି ଆକ୍ରମଣ ଉକ୍ତ ଅଂଚଳରେ ଘଟୁ ଥିବା ଗଂଜେଇ ଚୋରାଚାଳଣ, ବନ୍ୟ ଜନ୍ତୁ ଶିକାର କରୁଥିବା ଦୁର୍ବୃତ୍ତମାନେ କରିଥାଇପାରନ୍ତି ବୋଲି ସନ୍ଦେହ କରାଯାଉଛି । କିଏ ଗୁଳି ଚାଳନା କଲା ଓ କାହିଁକି କଲା କିଛି ସ୍ପଷ୍ଟ ସୂଚନା ମିଳିପାରିନାହିଁ । ବୌଦ୍ଧ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
