ପୁରୀ : ରାଷ୍ଟ୍ରପତି ନିର୍ବାଚନରେ ଏନ୍ଡିଏର ପ୍ରାର୍ଥୀନୀ ଦ୍ରୌପଦି ମୁର୍ମୁ ବିଜୟ ହାସଲ କରିଛନ୍ତି । ତାଙ୍କ ବିଜୟକୁ ନେଇ ସାରା ଓଡ଼ିଶାରେ ସେଲିବ୍ରେସନ୍ ଆରମ୍ଭ ହୋଇଛି । ପ୍ରଥମ ଓଡିଆ ମହିଳା ତଥା ଆଦିବାସୀ ମହିଳା ଭାବେ ଦ୍ରୌପଦୀ ମୁର୍ମୁ ରାଷ୍ଟ୍ରପତି ଭାବେ ଜିତିଥିବାରୁ ଓଡ଼ିଶାବାସୀଙ୍କ ପାଇଁ ଏହା ବେଶ୍ ଗର୍ବର ବିଷୟ । ପୁରୀରେ ମଧ୍ୟ ବିଜେପି ପକ୍ଷରୁ ସେଲିବ୍ରେସନ କରାଯାଇଛି । ବିଜେପି କର୍ମୀ, ନେତା ମାନେ ପ୍ରଥମେ ବାଜା ବଜାଇ, ପ୍ଲା କାର୍ଡ ଧରି ଶ୍ରୀମନ୍ଦିରର ଚାରି ପାଖ ପରିକ୍ରମା କରିଥିଲେ । ପରେ ସିଂହଦ୍ୱାର ସମ୍ମୁଖରେ ବାଜାର ତାଳେ ତାଳେ ନାଚି , ମିଠା ବାଣ୍ଟି ବିଜୟ ଉତ୍ସବ ପାଳନ କରିଥିଲେ । ମହାପ୍ରଭୁ ଶ୍ରୀଜଗନ୍ନାଥ ଦ୍ରୌପଦୀ ମୁର୍ମୁଙ୍କୁ ଆଶୀର୍ବାଦ ଦିଅନ୍ତୁ ଓ ସେ ଦେଶର ଉନ୍ନତି କରନ୍ତୁ ବୋଲି ସମସ୍ତେ ପ୍ରାର୍ଥନା କରିଛନ୍ତି ।
