ଘୁ ଉଦୟଗିରି: ସ୍ଥାନୀୟ ବ୍ଲକ ପରିସରରେ ଆଜି ନବ ନିଯୁକ୍ତ ବ୍ଲକ ବିଧାୟକ ପ୍ରତିନିଧି ସୁରେନ୍ଦ୍ର କୁମାର ପ୍ରଧାନଙ୍କୁ ବ୍ଲକ ସଭାପତି ଲିଙ୍ଗରାଜ କହଁରଙ୍କ ସଭାପତିତ୍ୱରେ ସ୍ୱାଗତ ଓ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଧାୟକ ଶାଲୁଗା ପ୍ରଧାନ ଘୁ ଉଦୟଗିରି ବ୍ଲକ ନିମନ୍ତେ ନିଜର ପ୍ରତିନିଧି ଚୟନ କରିଛନ୍ତି ।ଏହା ପୂର୍ବରୁ ବିଧାୟକ ପ୍ରତିନିଧି ଭାବରେ ଜମେଶ ପ୍ରଧାନ ରହିଥିବା ବେଳେ ସେ ବର୍ତ୍ତମାନ ସ୍ଥାନୀୟ ଲାମ୍ପ ସମବାୟ ସମିତି ଲିଃ ର ସଭାପତି ରହିଛନ୍ତି । ତେବେ ନୂତନ ଭାବରେ ରାଇକଲା ପଞ୍ଚାୟତର ପୂର୍ବତନ ସରପଞ୍ଚ ସୁରେନ୍ଦ୍ର କୁମାର୍ ପ୍ରଧାନଙ୍କୁ ବିଧାୟକ ପ୍ରତିନିଧି ଭାବରେ ନିଯୁକ୍ତ କରାଯାଇ ବିଧିବଦ୍ଧ ଭାବରେ ଘୋଷଣା କରାଯାଇଛି । କାର୍ଯ୍ୟକ୍ରମକୁ ବ୍ଲକ ସଭାପତି ଲିଙ୍ଗରାଜ କହଁର ପରିଚାଳନା କରିଥିବା ବେଳେ ଜିଲ୍ଲା ପରିଷଦ ଶ୍ରୀମତୀ ଲିଲିମା ପ୍ରଧାନ,ବ୍ଲକ ଅଧ୍ୟକ୍ଷା ଶ୍ରୀମତୀ ସୁଷମା ପ୍ରଧାନ, ଉପାଧ୍ୟକ୍ଷ ଏନ୍ ଲୁକ୍, ଲିଙ୍ଗାଗଡ ସରପଞ୍ଚ ଅବଲାକର ପ୍ରଧାନ, ରଟିଙ୍ଗିଆ ସରପଞ୍ଚ ବିଷ୍ଣୁଦେବ ପ୍ରଧାନ, ମାଲିକାପଡ଼ି ପଞ୍ଚାୟତ ସମିତି ସଭ୍ୟ ସଚ୍ଚିଦାନନ୍ଦ ପ୍ରଧାନ, ଜିଲ୍ଲା ସାଧାରଣ ସମ୍ପାଦକ କିଶୋର ଚନ୍ଦ୍ର ନାୟକ,ମହିଳା ସଭାନେତ୍ରୀ ଶ୍ରୀମତୀ ବିଜୟିନୀ ନାୟକ, ମାଇନରିଟି ସେଲ ସଭାପତି ରଞ୍ଜୟ ନାୟକ,ବ୍ଲକ ଉପସଭାପତି ଗୋପାଳ ଚନ୍ଦ୍ର ନାୟକ, ବ୍ଲକ ଯୁବ ସଭାପତି ଶ୍ରୀ ଅଭିଷେକ ନାୟକ, କଳିଙ୍ଗା ପଞ୍ଚାୟତ ସମିତି ସଭ୍ୟ ମାଲ୍ୟବନ୍ତ କହଁର, କତୀଙ୍ଗିଆ ପଞ୍ଚାୟତ ସମିତି ସଭ୍ୟା ଶ୍ରୀମତୀ ଲଳିତା ପ୍ରଧାନ ଉପସ୍ଥିତ ଥିଲେ । ନବ ନିଯୁକ୍ତ ବିଧାୟକ ପ୍ରତିନିଧି ବିଧାୟକଙ୍କୁ ଧନ୍ୟବାଦ ଦେବା ସହିତ ମୁଖ୍ୟମନ୍ତ୍ରୀଙ୍କୁ ମଧ୍ୟ ଧନ୍ୟବାଦ ପ୍ରଦାନ ପୂର୍ବକ ବିଜୁ ଜନତା ଦଳକୁ ସୁଦୃଢ଼ କରିବା ସହିତ ମିଳିତ ଭାବରେ କାର୍ଯ୍ୟ କରିବା ବିଷୟରେ ମତ ପ୍ରକାଶ କରି ଏହି ପଦବୀ ପାଇଥିବାରୁ ବହୁତ୍ ଖୁସି ବୋଲି ପ୍ରକାଶ କରି ବିଜୁ ଜନତା ଦଳର ବ୍ଲକ ଓ ଜିଲ୍ଲା ସମସ୍ତ କର୍ମକର୍ତ୍ତାଙ୍କୁ ଧନ୍ୟବାଦ ଅର୍ପଣ କରିଥିଲେ ।
