ନୂଆଦିଲ୍ଲୀ : ଏବେବି ବିଶ୍ୱବାସୀ କରୋନା ମହାମାରୀ ସାଙ୍ଗରେ ଯୁଦ୍ଧ ଲଢୁଛନ୍ତି । ଏହି ସମୟରେ ଆମେରିକାରୁ ବଡ ଖବର ଆସିଛି । ପୂର୍ବତନ ରାଷ୍ଟ୍ରପତି ବାରାକ ଓବାମା ମଧ୍ୟ କରୋନାରେ ସଂକ୍ରମିତ ହୋଇଛନ୍ତି । ସେ ନିଜେ ଏହି ସୂଚନା ଦେଇଛନ୍ତି । ସେ ତାଙ୍କ ଟ୍ୱିଟରେ ଲେଖିଛନ୍ତି, ମୁଁ କରୋନା ପଜିଟିଭ ଚିହ୍ନଟ ହୋଇଛି । ଗତ କିଛି ଦିନରୁ ମୋର ଗଳା ଯନ୍ତ୍ରଣା ହେଉଛି । ତଥାପି, ମୁଁ ଭଲ ଅନୁଭବ କରୁଛି । କିନ୍ତୁ ଭଲ ଖବର ଯେ, ତାଙ୍କ ପତ୍ନୀ ମିସେଲ ସଂକ୍ରମିତ ହୋଇନାହାନ୍ତି । ଅନ୍ୟପକ୍ଷରେ ବାରାମ ଓବାମା କୋଭିଡ ପଜିଟିଭ ହେବା ଜାଣିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ୱିଟ୍ ତାଙ୍କର ସୁସ୍ଥତା କାମନା କରିଛନ୍ତି ।
ଆମେରିକାରେ କରୋନା ସଙ୍କଟ ବର୍ତ୍ତମାନ ଶେଷ ହୋଇନାହିଁ । ବର୍ତ୍ତମାନ ସୁଦ୍ଧା ବହୁ ସଂଖ୍ୟକ ଲୋକ କ୍ରମାଗତ ଭାବରେ ସଂକ୍ରମିତ ହେଉଛନ୍ତି । ଜାନୁଆରୀ ମଧ୍ୟଭାଗରେ ପ୍ରାୟ ଆଠ ଲକ୍ଷ ତୁଳନାରେ ଗତ ଏକ ସପ୍ତାହ ମଧ୍ୟରେ ଆମେରିକାରେ ପ୍ରାୟ ୩୫,୦୦୦ ଲୋକ ସଂକ୍ରମିତ ହୋଇଛନ୍ତି ।
