ହରଭଙ୍ଗା: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ବୀରନରସିଂହପୁର ପଂଚାୟତ ଅନ୍ତର୍ଗତ କରଡ଼ି ଗ୍ରାମରେ ବାବା ଚମ୍ପେଶ୍ୱର ମନ୍ଦିରରେ କ୍ଷୀରାଭିଷେକ ଅନୁଷ୍ଠିତ ହୋଇଯାଇଛି । ମନ୍ଦିରରେ ହଜାରହଜାର ଶ୍ରାଦ୍ଧଳୁଙ୍କ ଭିଡ ପରିଲକ୍ଷିତ ହୋଇଥିଲା । କରଡ଼ିର ଆଖପାଖ ପଂଚାୟତ ତଥା ଗ୍ରାମରୁ ଭକ୍ତଙ୍କ ସୁଅ ଛୁଟିଥିଲା । ମନ୍ଦିର ଭିତରେ ଭକ୍ତଙ୍କ ଗହଣରେ ନାମ ସଂକୀର୍ତ୍ତନ ଓ ପାରାୟଣ ଦେଖିବାକୁ ମିଳିଥିଲା । ଏଥିରେ ମନ୍ଦିର ପରିଚାଳନା କମିଟି କ୍ଷୀରାଭିଷେକରେ ସହଯୋଗ କରିଥିବା ବେଳେ ଡ୍ରାଇଭର ସଂଘ ସ୍ୱେଚ୍ଛାସେବୀ ଭାବରେ ପାର୍କିଙ୍ଗ ତଥା ଶାନ୍ତି ଶୃଙ୍ଖଳାର ଦାୟିତ୍ୱ ନେଇଥିଲେ ।
ସମସ୍ତ ଭକ୍ତଙ୍କ ପାଇଁ ପ୍ରସାଦ ଭୋଜନର ମଧ୍ୟ ବ୍ୟବସ୍ଥା କରାଯାଇଥିଲା । ଉକ୍ତ କ୍ଷୀରାଭିଷେକରେ କମିଟିର ସଭାପତି ମୃତ୍ୟୁଞ୍ଜୟ ମିଶ୍ର, ସମ୍ପାଦକ ହରି ଅର୍ଜୁନ ସାହୁ, କୋଷାଧକ୍ଷ ପୂର୍ଣ୍ଣଚନ୍ଦ୍ର ମହାକୁଳ, ସଭ୍ୟ ବିଶ୍ୱଜିତ ମିଶ୍ର, ନରେନ୍ଦ୍ର ସାହୁ, କିଶୋର ସାହୁ, ଧରଣୀଧର ସାହୁ, ପୂର୍ଣ୍ଣଚନ୍ଦ୍ର ଗାଈଗୌରୀଆ, ରାଜୁ ଅଗ୍ରୱାଲ, ବାବାଜୀ ପାତ୍ର, ନାରାୟଣ ସାହୁ, ପରିଚାଳନା କରିଥିଲେ । ଡ୍ରାଇଭର ମହାସଂଘ ବୀରନରସିଂପୁରର ସମସ୍ତ ସଦସ୍ୟ ମଧ୍ୟ ଉପସ୍ଥିତ ଥିଲେ ।
