ନୂଆଗାଁ : ନୟାଗଡ ଜିଲ୍ଲା ବାହାଝୋଲା ପଞ୍ଚାୟତ ମଧ୍ୟରେ ଥିବା ବାବା ଫୁଲେଶ୍ୱର ପୀଠରେ ଆଜି ଫୁଲେଶ୍ୱର ୟୁଥ କ୍ଲବ ଅନୁକୂଳରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ୪୫ଜଣ ସଦସ୍ୟଙ୍କୁ ନେଇ ୧୦୦ଅଧିକ ବିଭିନ୍ନ ମୂଲ୍ୟବାନ ବୃକ୍ଷରୋପଣ କରାଯାଇଥିଲା । ମୁଖ୍ୟ ଅତିଥିଭାବରେ ଓଡଗାଁ ରେଞ୍ଜର ନିଖଲେଶ ମଲ୍ଲିକ ଏବଂ ବାହାଝୋଲା ଫରେଷ୍ଟର ସନାତନ ସ୍ୱାଇଁ ଯୋଗଦେଇଥିଲେ । ମନ୍ଦିର ପ୍ରାଙ୍ଗଣରେ କ୍ଲବର ସମସ୍ତ ସଦସ୍ୟ ମଧ୍ୟ ଉପସ୍ଥିତ ରହି ବୃକ୍ଷ ରୋପଣ କରାଯାଇଥିଲା । କ୍ଲବର ସଭାପତି ତ୍ରିନାଥ ସ୍ୱାଇଁ, ଉପଦେଷ୍ଟା ବିମଳ ପଟ୍ଟନାୟକ ଓ ସେକ୍ରେଟାରୀ ଜଗବନ୍ଧୁ ସାହୁ ଉପସ୍ଥିତ ରହିଥିଲେ । କ୍ଲବର ଏହିସବୁ ଉନ୍ନତିମୂଳକ କାର୍ଯ୍ୟ ପାଇଁ ସାଧରଣରେ କ୍ଲବକୁ ପ୍ରଶଂସା ସୁଅ ଛୁଟୁଛି ।
