ପୁରୀ: ଓଡ଼ିଶା ଓ ପଶ୍ଚିମବଙ୍ଗ ମଧ୍ୟରେ ଆୟୋଜିତ ବନ୍ଧୁତ୍ୱପୂର୍ଣ୍ଣ ଖୋ ଖୋ ମ୍ୟାଚରେ ଓଡିଶା ବିଜୟୀ ହୋଇଛି । ତାଳବଣିଆ ଷ୍ଟାଡିୟମ ଠାରେ ଗତକାଲି ଠାରୁ ଆରମ୍ଭ ହୋଇଥିବା ଓଡିଶା ପୁରୁଷ ଓ ମହିଳା ଖୋ ଖୋ ଦଳ ସହ ପଶ୍ଚିମବଙ୍ଗ ଖୋ ଖୋ ଦଳର ବନ୍ଧୁତ୍ୱପୂର୍ଣ୍ଣ କ୍ରୀଡା ଅନୁଷ୍ଠିତ ହୋଇଥିଲା । ଏହି ବନ୍ଧୁତ୍ୱପୂର୍ଣ୍ଣ ଦୁଇଟି ଯାକ ମ୍ୟାଚରେ ଓଡିଶା ଖୋ ଖୋ ଦଳ ବିଜୟୀ ହୋଇଥିଲା । ଏଥିରେ ଓଡିଶା ଖୋ ଖୋ ସଂଘର ସମ୍ପାଦକ ପ୍ରଦ୍ୟୁମ୍ନ ମିଶ୍ର, ଜିଲ୍ଲା କ୍ରୀଡା ଅଧିକାରୀ ଚନ୍ଦନ କୁମାର ସାହୁ, ଜିଲ୍ଲା କ୍ରୀଡା ସଂସଦର ପୂର୍ବତନ ସମ୍ପାଦକ ରବିଶଙ୍କର ପ୍ରତିହାରୀ, କ୍ରୀଡା ଛାତ୍ରାବାସର ପ୍ରଶିକ୍ଷକ ଚୌଧୁରୀ ପାର୍ଥ ସାରଥୀ ମହାପାତ୍ର, କୋଚ ସଞ୍ଜୀବ ଶର୍ମା, ଆକାଶ ରଣା ପଶ୍ଚିମ ବଙ୍ଗ ଦଳର କୋଚ,ମ୍ୟାନେଜର ପ୍ରମୁଖ ଯୋଗ ଦେଇ କ୍ରୀଡାବିତଙ୍କୁ ସମ୍ବର୍ଦ୍ଧିତ କରିଥିଲେ । ଏହି ମ୍ୟାଚ ମଧ୍ୟରୁ ଶ୍ରେଷ୍ଠ କ୍ରୀଡାବିତଙ୍କୁ ଚିହ୍ନଟ କରାଯିବ ଓ ଚଳିତ ମାସ ୨୮ରୁ ଅପ୍ରେଲ ୧ ତାରିଖ ପର୍ଯ୍ୟନ୍ତ ଦିଲ୍ଲୀରେ ଅନୁଷ୍ଠିତ ହେବ ।
