ଦଶପଲ୍ଲା : ଦଶପଲ୍ଲାରେ ପହଞ୍ଚିଲେ ୫-ଟି ସଚିବ ଭି କେ ପାଣ୍ଡିଆନ୍ । ଆଜି ଦିବା ୧୧ଟା ୪୫ ରେ ହ୍ୟାଲିକ୍ୟାପ୍ଟର୍ ଯୋଗେ ଦଶପଲ୍ଲାର ନେତାଜୀ ମଇଦାନରେ ଅବତରଣ କରି ସାଧାରଣ ଜନତାଙ୍କ ସହିତ କରମର୍ଦ୍ଦନ କରିବା ପରେ ମିଶନ ଶକ୍ତି ମହିଳା ମାନେ ଫୁଲମାଳ, ଫୁଲତୋଡା ଦେବା ସଂଗେ ସଂଗେ ଶୁଭ ଶଂଖନାଦ ଓ ହୁଳହୁଳି ପକାଇ ଅଭିବାଦନ ଜଣାଇଥିଲେ । ଏହାପରେ ଶ୍ରୀ ପାଣ୍ଡିଆନ୍ ମିଶନଶକ୍ତି ମହିଳା ମାନଙ୍କ ଉନ୍ନତି କଳ୍ପେ ବହୁ ଉପାଦେୟ ଉପଦେଶ ପ୍ରଦାନ କରିଥିଲେ । ମହିଳା ସଶକ୍ତିକରଣ ହେଲେ ଦେଶର ଉନ୍ନତି ହେବବୋଲି ସେ କହିଥିଲେ । ଏହାପରେ ଶ୍ରୀ ପାଣ୍ଡିଆନ୍ ଦଶପଲ୍ଲାର ଆରାଧ୍ୟ ଦେବ ଶ୍ରୀ ଶ୍ରୀ ମହାବୀରଙ୍କ ମନ୍ଦିରକୁ ଯାଇ ଶ୍ରୀଜୀଉଙ୍କୁ ଦର୍ଶନ କରିବା ସଂଗେ ସଂଗେ ମନ୍ଦିରର ଉନ୍ନୟନ ଉପରେ ପୁଂଖାନୁପୁଂଖ ଆଲୋଚନା କରିଥିଲେ । ଶେଷରେ ଦଶପଲ୍ଲା ବ୍ଲକ୍ ପରିସରରେ ଥିବା ମିଶନଶକ୍ତି କାଫେରେ ମଧ୍ୟାହ୍ନ ଭୋଜନ କରିଥିଲେ ।
