ନନ୍ଦାହାଣ୍ଡି : ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଝାଡବନ୍ଧଗୁଡା ପଞ୍ଚାୟତ ଅନ୍ତର୍ଗତ ଉସୁରିପଦର ଗ୍ରାମରେ ଘଟିଛି ଅଭାବନୀୟ ଘଟଣା । ମହୁ ମାଛି ଆକ୍ରମଣରେ ଯୁଧିଷ୍ଠିର ଅମନାତ୍ୟ ନାମକ ବୃଦ୍ଧଙ୍କ ମୃତ୍ୟୁ ହୋଇଛି । ଅପରାହ୍ନ ୪ ଘଣ୍ଟା ସମୟରେ ଯୁଧିଷ୍ଟିର ନିଜ ଖଳା ରୁ ଧାନ ନେଇ ଏକ ସାଇକେଲ ଯୋଗେ ଘରକୁ ଫେରୁଥିବା ବେଳେ ଗାଁ ଜଙ୍ଗଲ ନିକଟରେ ମହୁମାଛି ଆକ୍ରମଣ କରିଥିଲେ । ଏହି ସମୟରେ ସେହି ରାସ୍ତା ରେ ଯାଉଥିବା ଝାଡବନ୍ଧଗୁଡା ସରପଞ୍ଚ ଭିବିଷଣ ସୈରା ଯୁଧିଷ୍ଠିରଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ, କିନ୍ତୁ ମେଡିକାଲ ପହଞ୍ଚିବା ପୂର୍ବରୁ ଯୁଧିଷ୍ଟିରଙ୍କ ମୃତ୍ୟୁ ହୋଇଥିଲା । ନବରଙ୍ଗପୁର ଚିକିତ୍ସାଳୟରେ ଡାକ୍ତର ଯୁଧିଷ୍ଠିରଙ୍କୁ ମୃତ ଘୋଷଣା କରିଥିଲେ । ନବରଙ୍ଗପୁର ଜିଲ୍ଲା ପୋଲିସ ଡ଼ାକ୍ତରଖାନାରେ ପହଁଚି ଶବ ଜବତ କରି ଅଧିକ ତଦନ୍ତ କରୁଛନ୍ତି ।
