ଘୁ.ଉଦୟଗିରି : ଘୁ. ଉଦୟଗିରି ପୌର ନିର୍ବାଚନ ଶେଷ ହୋଇଛି । ଫଳାଫଳ ଘୋଷଣା ପରେ ସ୍ଥାନୀୟ ସହରର ୮ ନମ୍ବର ୱାର୍ଡର କାଉନସିଲର ପ୍ରାର୍ଥୀ ଭାବରେ କଂଗ୍ରେସ ପକ୍ଷରୁ ପ୍ରତିନ୍ଦ୍ୱନ୍ଦି କରିଥିବା ଯାକେଶ କୁମାର୍ ପ୍ରଧାନ ୨୦୫ ଟି ଭୋଟ ପାଇ ବିଜୟୀ ହୋଇଥିଲେ । ନିକଟତମ ବିଜେଡି ପ୍ରତିନ୍ଦ୍ୱନ୍ଦୀ ଆଲବିନ କୁମାର୍ ନାୟକ ୧୩୬ ଭୋଟ ପାଇଥିଲେ । ୬୯ ଭୋଟରେ କଂଗ୍ରେସ ପ୍ରାର୍ଥୀ ବିଜୟ ଲାଭ କଲା ପରେ ନୂଆସାହି,ଗୋଲାସାହି,ପାହାଡ ସାହି ନିଜ ସମର୍ଥିତ ଲୋକଙ୍କ ସହିତ ନାଚ,ଗୀତ,ମାଧ୍ୟମରେ ଆନନ୍ଦ ଉଲ୍ଲାସ କରି ଘରକୁ ଘର ବୁଲି ଧନ୍ୟବାଦ୍ କୃତଜ୍ଞତା ଜଣେଇଥିବା ଦେଖିବାକୁ ମିଳିଛି । ୧୩ ଗୋଟି ୱାର୍ଡ ମଧ୍ୟରୁ କଂଗ୍ରେସ ଗୋଟିଏ ୱାର୍ଡରେ ବିଜୟ ଲାଭ ପରେ କଂଗ୍ରେସ କର୍ମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ବିଜୟ ପରେ ଯାକେସ କୁମାର ପ୍ରଧାନ ଅଞ୍ଚଳର ଉନ୍ନତି ନିମନ୍ତେ କାମ କରିବେ ବୋଲି ନିଜ ପ୍ରତିକ୍ରିୟାରେ କହିବା ସହିତ ସମସ୍ତ ୮ନମ୍ୱର୍ ୱାର୍ଡ ବାସୀଙ୍କୁ ଧନ୍ୟବାଦ୍ ଜନେଇଛନ୍ତି । ସେପଟେ ୮ନମ୍ୱର୍ ୱାର୍ଡର ମାଧୁଲିନା ଦିଗାଲ କଂଗ୍ରେସ ପକ୍ଷରୁ ଅଧ୍ୟକ୍ଷା ପଦ ପାଇ ପ୍ରତିଦ୍ୱନ୍ଦୀ କରୁଥିବା ବେଳେ କେବଳ ୮ନମ୍ୱର୍ ୱାର୍ଡରେ ୭୪ ଭୋଟ ଓ ସମୁଦାୟ ୧୩ ଗୋଟି ୱାର୍ଡରେ ୧୯୯ ଟି ଭୋଟ ପାଇଥିଲେ । ଘୁ ଉଦୟଗିରି ପୌର ନିର୍ବାଚନ ଫଳା ଫଳ ଶେଷରେ ବିଜେଡିର ଭାନୁ ପ୍ରଭା ମିଶ୍ର ଅଧ୍ୟକ୍ଷା ପଦ ପାଇ ବିଜୟ ଲାଭ କରିଥିଲେ ।
