ପାରଳାଖେମୁଣ୍ଡି : ଶ୍ରୀଜଗନ୍ନାଥ ନିକେତନ (ଅନାଥ ଆଶ୍ରମ), ରାଜ ସୀତାପୁର, ଗୋସାଣି ବ୍ଲକ ଠାରେ ଏଥିର ମୁଖ୍ୟ ଅନାଦି ପାଣିଗ୍ରାହୀ ଓ ମହନ୍ତ ରମାନନ୍ଦ ଦାସ ଜୀଙ୍କ ଅନୁମତି କ୍ରମେ ବିଶ୍ୱର ପଞ୍ଚମ ଜଗତଗୁରୁ ଶ୍ରୀକୃପାଳୁ ଜୀ ମହାରାଜଙ୍କ ଜନ୍ମ ଶତବାର୍ଷିକୀ ଉତ୍ସବ ଅଭିଯାନ ବାଳ ମୁକୁନ୍ଦ କେନ୍ଦ୍ର ତରଫରୁ ପାଳିତ ହୋଇଯାଇଛି । ପ୍ରଥମ ପର୍ଯ୍ୟାୟରେ ଚିନ୍ମୟ ମିଶନର ସନ୍ୟାସୀ ସ୍ୱାମୀ ନିଗମାନନ୍ଦ ଜୀଙ୍କ ଅଧକ୍ଷତାରେ ବାଳ ବିହାର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଦ୍ୱିତୀୟ ପର୍ଯ୍ୟାୟରେ ବାଳ ମୁକୁନ୍ଦ କେନ୍ଦ୍ରର ସଂଯୋଜକ ନିତ୍ୟାନନ୍ଦ ଚୌଧୁରୀ ଶ୍ରୀକୃପାଳୁ ମହାରାଜଙ୍କ ଜନ୍ମ ଶତବାର୍ଷିକୀ ବିଷୟରେ ଅବଗତ କରାଇ ନାମ ସଂକୀର୍ତ୍ତନ କରାଇଥିଲେ । ଆଶ୍ରମର ଅନ୍ତବାସୀ ପିଲାମାନେ ଉତ୍ସହ ସହିତ ନାମ ସଂକୀର୍ତ୍ତନ କରି ଆଶ୍ରମ ପରିକ୍ରମା କରିଥିଲେ । ଏଥିରେ ବାଳକୃଷ୍ଣ ଜେନା ଓ ଗଣେଶ ଯାନୀ ସହଯୋଗ କରିଥିଲେ ।
