ଯାଜପୁର: ଆଜି ପୂର୍ବାହ୍ନରେ ଭୋଟର ପଞ୍ଜିକରଣ ଅଧିକାରୀ ତଥା ଉପଜିଲ୍ଲାପାଳ ଏବଂ ଉପଖଣ୍ଡ ମାଜିଷ୍ଟ୍ରେଟ୍ ଶ୍ରୀ ଗୋପୀନାଥ କୁଅଁରଙ୍କ ଅଧ୍ୟକ୍ଷତାରେ ତାଙ୍କ କାର୍ଯ୍ୟାଳୟ ପ୍ରକୋଷ୍ଠରେ ଚୂଡାନ୍ତ ଭେଟର ତାଲିକା ୨୦୨୪ ପ୍ରକାଶନ ହୋଇଛି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଏବଂ ଭାରତର ନିର୍ବାଚନ ଆୟୁକ୍ତଙ୍କ ନିର୍ଦ୍ଦେଶ କ୍ରମେ ତା ୧ା୧ା୨୦୨୪ କୁ ୧୮ ବର୍ଷ ବୟସ ସୂଚାଙ୍କ ଧରାଯାଇ ଯୋଗ୍ୟ ଭୋଟର ମାନଙ୍କ ସମେତ ଆଜି ଏହି ଚୂଡାନ୍ତ ଭୋଟର ତାଲିକା ପ୍ରକାଶ ପାଇଛି । ଏହି କ୍ରମେ ଯାଜପୁର ଜିଲ୍ଳାର ବିଧାନ ସଭା ନିର୍ବାଚନ ମଣ୍ଡଳୀ ୪୮-ବିଂଝାରପୁର (ଅନୁସୂଚିତ ଜାତି), ୪୯- ବରୀ, ୫୦- ବଡଚଣା, ୫୧- ଧର୍ମଶାଳା, ୫୨- ଯାଜପୁର, ୫୩- କୋରେଇ ଏବଂ ୫୪- ସୁକିନ୍ଦା ଏହିଭଳି ୭ ଗୋଟି ନିର୍ବାଚନ ମଣ୍ଡଳୀକୁ ନେଇ ମୋଟ ୧୫ଲକ୍ଷ ୩୦ ହଜାର ୨୪୦ ଭୋଟର ମାନଙ୍କ ତାଲିକା ପ୍ରକାଶ ପାଇଛି ବୋଲି ଭୋଟର ପଂଜିକରଣ ଅଧିକାରୀ ତଥା ଉପଜିଲ୍ଲାପାଳ ଶ୍ରୀ ଗୋପୀନାଥ କୁଅଁର ପ୍ରକାଶ କରିଚ୍ଥନ୍ତି ।
