ପୁରୀ : ପୁଣି ଶ୍ରୀମନ୍ଦିରରେ ଅଭାବନୀୟ ଘଟଣା । ଦୁଇ ସେବାୟତଙ୍କ ମଧ୍ୟରେ ରକ୍ତାକ୍ତ ସଂଘର୍ଷ । ଜଣେ ସେବାୟତଙ୍କ ଆକ୍ରମଣରେ ଆଉ ଜଣେ ସେବାୟତ ଗୁରୁତର ଆହତ । ଗୁରୁତର ଆହତ ସେବାୟତ ଜଣକ ହେଲେ ବିଶ୍ୱନାଥ ଖୁଣ୍ଟିଆ । ଆକ୍ରମଣରେ ବିଶ୍ୱନାଥଙ୍କ ନାକ ଫାଟି ପ୍ରବଳ ରକ୍ତସ୍ରାବ ହୋଇଥିଲା । ଏହି ଘଟଣା ବିଷୟରେ ସିଂହଦ୍ୱାର ଥାନା ପୋଲିସ ଅବଗତ ହେବା ପରେ ଦୁଇ ସେବାୟତଙ୍କୁ ଥାନାରେ ଅଟକ ରଖି ପଚାରଉଚରା ଜାରି ରଖିଛି । ତେବେ ମଧ୍ୟାହ୍ନ ସମୟରେ ମଦନ ଖୁଣ୍ଟିଆ କିଛି ଯାତ୍ରୀଙ୍କୁ ନେଇ ଶ୍ରୀମନ୍ଦିର ଭିତରକୁ ଯାଇଥିଲେ । ଭକ୍ତଙ୍କୁ ପାଦୁକ ଦେବା ସମୟରେ ଦୁଇ ସେବାୟତ ହାତାହାତି ହୋଇଥିଲେ । ସେପଟେ ଘଟଣାର ତଦନ୍ତ ପରେ ପ୍ରକୃତ କାରଣ ସ୍ପଷ୍ଟ ହେବ ବୋଲି ଆଶା କରାଯାଉଥିବା ବେଳେ ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।
