ପୁରୀ :ପବିତ୍ର ଦେବ ଦୀପାବଳୀ ଅବସରରେ ଦୀପମୟ ହୋଇଛି ଶ୍ରୀକ୍ଷେତ୍ର । ବିଶ୍ୱର କଲ୍ୟାଣ ସହ କରୋନାରେ ପ୍ରାଣ ହରାଇଥିବା ବ୍ୟକ୍ତିମାନଙ୍କ ଆତ୍ମାର ସଦଗତି ପାଇଁ ଛତିଶା ନିଯୋଗ ସଦସ୍ୟ, ବିଭିନ୍ନ ସ୍ୱେଚ୍ଛାସେବୀ ଅନୁଷ୍ଠାନ ସହଯୋଗରେ ଓଡ଼ିଆ ଇଣ୍ଟରନ୍ୟାସନାଲ ସେଣ୍ଟର୍ ପକ୍ଷରୁ ମହାପ୍ରଭୁଙ୍କ ଉଦ୍ଦେଶ୍ୟର ଶ୍ରୀମନ୍ଦିର ଠାରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ଦେବ ଦୀପାବଳୀ ପାଇଁ ଲକ୍ଷାଧିକ ଦୀପ ପ୍ରଜ୍ଜ୍ୱଳନ ହୋଇଛି । ଗତକାଲି ମାର୍ଗଶୀର କୃଷ୍ଣପକ୍ଷ ଅମାବାସ୍ୟା ତିଥିରେ ଦଶରଥ ଓ କୌଶଲ୍ୟାଙ୍କ ଉଦ୍ଦେଶ୍ୟରେ ଶ୍ରୀମନ୍ଦିରରେ ଦୀପଦାନ ଓ ଶ୍ରାଦ୍ଧ ବିଧି ପାଳନ ହୋଇଥିଲା । ସେହିପରି ଆଜି ଅମାବାସ୍ୟା ତିଥିରେ ଦଶରଥ ଓ କୌଶଲ୍ୟାଙ୍କ ଉଦ୍ଦେଶ୍ୟରେ ମହାପ୍ରଭୁ ଦୀପଦାନ କରିଛନ୍ତି । ଶ୍ରୀମନ୍ଦିର ସିଂହଦ୍ୱାର ଠାରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ସହରବାସୀ ଦେବ ଦୀପାବଳରେ ସମୂହ ଦୀପଦାନ କରିଥିବା ବେଳେ ବଡ଼ଦାଣ୍ଡ ଦୀପମର ହୋଇ ଝଲସି ଉଠିଥିଲା । ଶ୍ରୀମନ୍ଦିର ସିଂହଦ୍ୱାର ଠାରେ ଏକ ଭକ୍ତିମେୟ ପରିବେଶ ସୃଷ୍ଟି ହୋଇଥିଲା ।
