ଦଶପଲ୍ଲା : ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ଓଡ଼ିଶାର ସମସ୍ତ ଜିଲ୍ଲାର ୫୫ଟି ସ୍ଥାନରେ ଆଜି କିଟ୍ ଓ କିସ୍ ପକ୍ଷରୁ ମିନି ମାରାଥନ ଆୟୋଜିତ ହୋଇଯାଇଛି । ଅନୁରୂପ ଭାବରେ ଆଜି ଦଶପଲ୍ଲାରେ ମଧ୍ୟ ଏହି ମିନି ମାରାଥନ୍ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇଥିବା ବେଳେ ଅନ୍ୟମାନଙ୍କ ମଧ୍ୟରେ ଦଶପଲ୍ଲା ବିଜ୍ଞାପିତ ଅଞ୍ଚଳ ପରିଷଦର ସାଂସଦଙ୍କ ପ୍ରତିନିଧି ସଂଯୁକ୍ତା ଦାସ ଗୁପ୍ତା, ଦଶପଲ୍ଲା ବ୍ଲକ ସାଂସଦ ପ୍ରତିନିଧି ପ୍ରସନ୍ନ କୁମାର ସାହୁ , ଦଶପଲ୍ଲା ବ୍ଲକ ବିଜେଡ଼ି ସଭାପତି ସୁଦାମ ଚରଣ ନାୟକ,ଦଶପଲ୍ଲା ବ୍ଲକର ଦୃଢ଼ ସଙ୍ଗଠକ ଉପେନ୍ଦ୍ର କୁମାର ସାହୁ,ଦଶପଲ୍ଲା ବିଜ୍ଞାପିତ ଅଞ୍ଚଳ ପରିଷଦର ସମସ୍ତ କାଉଁସିଲର ଯୋଗ ଦେଇଥିବା ବେଳେ ବହୁ ଯୁବ,ଛାତ୍ର ଯୋଗଦେଇ ଗାନ୍ଧୀ ମଇଦାନଠାରୁ କୃଷ୍ଣପ୍ରିୟା ଦେବୀ ମହାବିଦ୍ୟାଳୟ ପର୍ଯ୍ୟନ୍ତ “ସମସ୍ତଙ୍କ ପାଇଁ ଶିକ୍ଷା’ ନାରା ଦେଇ ଗଣଦୌଡ଼ କାର୍ଯ୍ୟକ୍ରମରେ ସାମିଲ ହୋଇଥିଲେ । ଏହି ଭଳି ଗୋଟିଏ କାର୍ଯ୍ୟକ୍ରମ କରି ଲୋକମାନଙ୍କ ପାଖରେ ଶିକ୍ଷାର ମହତ୍ତ୍ୱ କୁ ପହଞ୍ଚାଇବା ସହିତ ସଚେତନ ସୃଷ୍ଟି କରିବା ପାଇଁ ଏକ ନିଆରା ପ୍ରୟାସ କରିଥିବାରୁ କନ୍ଧମାଳ ସାଂସଦ ତଥା କିଟ୍ ଓ କିସ୍ ର ପ୍ରତିଷ୍ଠାତା ଡ଼. ଅଚ୍ୟୁତ ସାମନ୍ତଙ୍କୁ କୃତଜ୍ଞତା ଦେଇଥିଲେ ।
