ଦଶପଲ୍ଲା : କାରରେ ଗଞ୍ଜେଇ ଚାଲାଣ ବେଳେ ମାଡିବସିଲା ନୟାଗଡ଼ ଟାଉନଥାନା ପୋଲିସ । କାର ସହ ୭୦ କେଜି ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିବାରେ ସଫଳ ହୋଇଛି ନୟାଗଡ ପୁଲିସ । ଗିରଫ ଅଭିଯୁକ୍ତ ଜଣଙ୍କ କନ୍ଦମାଳର ଆଶିଶ୍ କୁମାର ପ୍ରଧାନ । ସୂଚନା ଅନୁଯାୟୀ ନୟାଗଡ଼ ଲେଙ୍କୁଡିପଡା ଠାରେ ରାସ୍ତାରୋକ ହୋଇଥିବା ବେଳେ ଏକ ଗଞ୍ଜେଇ ଭର୍ତ୍ତି କାର ସେଠାରେ ଅଟକି ରହିଥିଲା । କାରର ଡ୍ରାଇଭର ସେଠାରେ ଉପସ୍ଥିତ ଥିବା ପୋଲିସକୁ ଦେଖି କାରଛାଡି ଦୌଡି ପଳାଇବାକୁ ଚେଷ୍ଟା କରିବାରୁ ପୋଲିସ ତାକୁ ମାଡିବସିବା ସହ କାରର ତଲାସି ନେଇଥିଲା । ତଲାସି ବେଳେ କାରରେ ୩ଟି ବସ୍ତାରେ ଗଞ୍ଜେଇ ଥିବା ଦେଖିବାକୁ ପାଇଥିଲା । ପରେ କାରଭର୍ତ୍ତି ଗଞ୍ଜେଇକୁ ପୋଲିସ ଜବତ କରିବା ସହ କାରଚାଳକକୁ ଥାନାକୁ ନେଇ ପଚରାଉଚରା ସହ ଗିରଫ କରାଯାଇଥିଲା । ଓଜନ ପରେ ଜବତ ଗଞ୍ଜେଇର ପରିମାଣ ୭୦ କେଜି ରହିଥିବା ଜଣାପଡିଛି । ଗନ୍ଦମାଳରୁ ଭୁବନେଶ୍ୱରକୁ ଏହି ଗଞ୍ଜେଇ ଚାଲାଣ ହେଉଥିବା ସାମ୍ବାଦୀକ ସମ୍ମୀଳନୀରେ ସୂଚନା ଦେଇଛନ୍ତି ଏସଡିପିଓ ସ୍ନେହାଶିଷ ସାହୁ ।
