ହରଭଙ୍ଗା : ହରଭଙ୍ଗା ତହସିଲ ବିରାନରସିଂପୁର ରାଜସ୍ୱ ଅନ୍ତର୍ଗତ ଶ୍ୟାମସୁନ୍ଦର ପୁର ଗ୍ରାମରେ ଆଜି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସୂଚନା ଅନୁଯାଇ ମଙ୍ଗଳବାର ଦିନ ଅପରାହ୍ନ ରେ ଗ୍ରାମର ସୁବାସ ମାହାରଙ୍କ ୨ବଖରା ଘର କୌଣସି କାରଣରୁ ପୋଡି ଯିବାରୁ ଗ୍ରାମବାସୀ ଦେଖି ବୌଦ୍ଧ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ଘଟଣା ସ୍ଥଳରେ ପହଂଚି ନିଆଁକୁ ଆୟତ୍ତ କରିଥିଲେ । ନିଆଁ ଆୟତ୍ତ କରିବା ପୂର୍ବରୁ ଘରେ ଥିବା ଲକ୍ଷାଧିକ ଟଙ୍କାର ଆସବାବ ପତ୍ର ପୋଡି ନଷ୍ଟ ହୋଇଥିବା ସୂଚନା ମିଳିଛି । ଘଟଣାକୁ ନେଇ ବିରାନରସିଂପୁର ରାଜସ୍ୱ ନିରୀକ୍ଷକ ପହଂଚି ତଦନ୍ତ କରିଥିବା ଜଣାପଡିଛି ।
