ପୁରୀ : ପୂର୍ବତନ ପୋଲିସ ଅଧିକାରୀ ତଥା ଗୋ ସେବକ ଭାବରେ ସାରା ଓଡିଶାରେ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ଗୋବିନ୍ଦ ମହାନ୍ତିଙ୍କ ମୃତ୍ୟରେ ଗଭୀର ଶୋକ ପ୍ରକାଶ କରିଛନ୍ତି ପୁରୀ ଗୋବର୍ଦ୍ଧନ ପୀଠର ଜଗତଗୁରୁ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ । ସେ ନିଜେ ଉପବାସ ରହି ଗୋ ମାତାଙ୍କ ସେବା କରିବା ସହ ତାଙ୍କର ସମସ୍ତ ପ୍ରକାର ଯତ୍ନ ନେଉଥିଲେ । ବିଦ୍ୟୁତ ଆଘାତରେ ଗତକାଲି ତାଙ୍କର ପରଲୋକ ହୋଇଯାଇଛି । ଗୋବିନ୍ଦ ମହାନ୍ତି ଶ୍ରୀଜଗନ୍ନାଥଙ୍କର ପରମ ଭକ୍ତ ଭାବରେ ବରିଷ୍ଠ ନାଗରିକ ଓ ଦିବ୍ୟାଙ୍ଗ ଭକ୍ତ ମାନେ କିପରି ଶ୍ରୀମନ୍ଦିରକୁ ଯିବେ, ସେଥିପାଇଁ ସ୍ୱତନ୍ତ୍ର ଦିବ୍ୟାଙ୍ଗ ଓ ବରିଷ୍ଠ ନାଗରିକଙ୍କ ପାଇଁ ଗାଡ଼ିର ବ୍ୟବସ୍ଥା କରିଥିଲେ । ତାଙ୍କୁ ଗୋ ଲୋକ ପ୍ରାପ୍ତି ହୋଇଥିବା ଶଙ୍କରାଚାର୍ଯ୍ୟ କହିଛନ୍ତି ।
